Л.Гүндалай Зайсанд зөвшөөрөлгүй газарт барьсан барилгаа түрээслүүлэх гэж байна

Өдгөөгөөс дөрвөн жилийн өмнө УИХ-ын гишүүн асан Л.Гүндалай Зайсангийн аманд хууль бусаар газар эзэмшиж байгаа ухай дуулиан дэгдэж, газрыг тусгай зөвшөөрлийг нь хүчингүй болгох жагсаалтад оруулсан удаатай. Гэдч Нохой жилийн цагаан сарын баярыг далимдуулан барилгын ажлаа үргэлжлүүлж шилэн болгож тохижуулж амжсан байна.  Тэрбээр, над шиг ганцаараа байж, УИХ-ыг тараасан улстөрч байхгүй хэмээн байн байн ярих дуртай. Харин Зайсангийнхаа энэ газрынтухай бол дурсах ч дургүй бололтой. Ямартаа ч Байгаль орчин, аялал жуулчлалын яамнаас тус барилгыг нураах тухай хүсэлтийг холбогдох байгууллагуудад хүргүүлжээ. Бурхан багшийн цэцэрлэгт хүрээлэнгийн  зүүн хойхно байрлах энэ барилгыг жирийн иргэдээс хүч, заль хэрэглэн авсан гэдэг, Гүндалайг. Тухайн үед хотын дарга нь буулгах барилгын жагсаалтад  оруулсан юм байна. Гэтэл дээр өгүүлсэнчлэн Сар шинийн баяраар далимдуулан шилэн фасадаар гоёж, түрээслүүлнэ гэсэн зар нэмжээ. Оргил рашааны ундарга дээр байдаг зөвшөөрөлгүй барилгуудыг нураах шийдвэр Эрүүл мэндийн сайд асанд л үйлчлээгүй байна.

“Нийслэлийн үзэсгэлэнт газар гэж нэрлэдэг, нэрлэгддэг  “Бурхан багшийн цэцэрлэгт хүрээлэн”-гийн зүүн хойд талд Хилийн боомтын захиргааны даргаар ажиллаж байхдаа  Л.Гүндалай эрх мэдэл албан тушаалаа ашиглан хувийн хаусаа сүндэрлүүлэхээр боллоо гэсэн мэдээллүүд хэвлэлээр тархаж байлаа. Одоо улам бүр батлагдсаар. Тус барилга Оргил рашаан сувиллын ундарга дээр байрладаг гэдэг. Оргил рашаан сувиллыг хувьчиллаа гээд рашааны ундарга бохирдохоо, буурахаа болихгүй.  БОНХАЖЯ, Богд уулын дархан цаазат газрын захиргаа, Мэргэжлийн хя­налтын газ­рын байцаагчид очиж барилга зогсоох тухай албан бичиг өгсөн гэдэг. Гэвч үйлчлээгүй өдий хүрчээ. 

Л.Гүндалай барилгаа барихдаа хэд хэдэн хуулийг  зөрчжээ. Төрийн тусгай хамгаалалтын газарт дур мэдэн барилга барьсан нь Үндсэн хуулийг, Газар эзэмших тусгай зөвшөөрөл, гэрчилгээгүй, ба­рилга барих зөвшөөрөлгүй байгаа нь Газрын тухай хуулийг, Ззраг төсөлгүй, үйл ажиллагааг эхлүүлэх зөвшөөрөлгүй бай­­гаа нь Барилгын тухай хуу­лийг, улсын байцаагчийн гур­ван удаагийн актыг үл харгалзан үйл ажиллагаа явуулсан нь Төрийн хяналт шалгалтын тухай хуулийг зөрчсөн гэнэ.    Тэрбээр, уг газарт үйлчилгээ эрхэлж байсан эмэгтэйд дарамт үзүүлж, уг эмэгтэй газар эзэмших зөвшөөрөлгүй байсныг нь далимдуулж, газраас нь хумсалсан гэдэг.  Тусгай хамгаалалттай газар нутгийн тухай хуулийн 24 дүгээр зүйлийн 24.2 дахь хэсэгт  “Дурсгалт газар дахь байгалийн болон түүх, соёлын дурсгалт зүйлээс 0.1-3 км-ийн орчимд сүр бараа, үзэмжийг нь дарах барилга байгууламж барих, газар хагалах, ухах, тэсэлгээ хийх, ашигт малтмал хайх, олборлох, байгалийн болон түүх, соёлын дурсгалт зүйлийг хөндөх, эвдэх, буулгах, тэдгээрт хохирол учруулахуйц бусад үйл ажиллагаа явуулахыг хо­риглоно” гэсэн заалтыг зөрчиж байна. Бас зөвшөөрөлгүй үйл ажиллагаа явуулсан  байцаагч нарыг дарамталсан. Түүнд 2014 онд цагдаагийн байгууллагаас эрүүгийн хэрэг үүсгэсэн ч намжаад өнгөрчээ.
Эхэндээ Л.Гүндалай хаус болгож байсан гэх энэ барилгаа цагаан сараар далимдуулан дуусгаад “түрээслүүлэхэд” бэлэн болжээ. Зайсангийн аманд амьдардаг жирийн иргэд хашааны газраа хувьчилж авахын тулд төрийг олон жил царайчилсан байдаг. Тэдэнд газраа өөрийн болгоно гэдэг зүүд шиг санагддаг. Харин Л.Гүндалай мэтийн эрх мэдэлтнүүдэд Зайсангийн аманд байгаа алга дарам газарт зөвшөөрөлгүй барилга барих нь “үдийн будаа”төдий зүйл байдаг бололтой.

А.Эрдэнэ

www.zindaa.mn