“Яг түүн шиг 3” шоуны дараагийн оролцогч М.Цэрэндолгор

“Боловсрол суваг" телевиз “Endemol Shine Group”-ийн албан ёсны эрхтэйгээр “Яг түүн шиг” шоуг хоёр дахь жилдээ амжилттай зохион байгуулж, үзэгчдийн хүртээл болгосон билээ. Тэгвэл энэ жилийн шоунд оролцох оролцогчдыг энэ сарын 21-нээс эхлэн зарлаж эхэлсэн. “Яг түүн шиг-3” шоунд оролцох эхний хоёр оролцогчоор загвар өмсөгч Ж.Энэрэл, дуучин, ая зохиогч Б.Нацагдорж буюу Наки нар сонгогдсон бол өчигдөр тус шоуны гурав дахь оролцогч “Sweetymotion” хамтлагийн дуучин Г.Сүндэрмааг зарласан юм. Тэгвэл өнөөдөр "Эмоци” продакшны жүжигчин, СТА С.Тэмүүжин,  жүжигчин М.Цэрэндолгор нар сонгогджээ. Ингэснээр эхний таван оролцогч тодорхой болж байна. М.Цэрэндолгорын хувьд “Тютю” кинонд гол дүр бүтээж олонд танигдсан бөгөөд ОХУ-ын Театр урлагийн академи буюу ГИТИС-ийн жүжигчний мэргэжлээр төгссөн юм.

А.Түвшин