Яллагдагчаар татагдсан ”салаавч” Б.Булган анх удаа байцаалт өгчээ

С.Зориг агсны хамтран амьдрагч байсан, одоо яллагдагчаар  татагдсан  Б.Булган Тагнуулын ерөнхий газарт байцаалт өгсөн байна. Хоёр дахь удаа дуудагдаж байцаалт өгсөн нь энэ бөгөөд Тагнуулын ерөнхий газар дуудаж, түүнийг яллагдагчаар татсаныг мэдэгдэж байсан.Нийслэлийн Прокурорын газрын прокурор Г.Бясман ”Санжаасүрэнгийн Зоригийн амь насыг хохироосон Эрүүгийн ... дугаартай хэрэгт шинээр цугларсан нотлох баримтаар С.Зориг агсны хамтран амьдрагч Б.Булганыг 2018 оны дөрөв дүгээр  18-ны өдөр Эрүүгийн хэрэг үүсгэж яллагдагчаар татсан тогтоолыг уншиж танилцуулж байцаалт авсан. Хэрэгт мөрдөн шалгах ажиллагааг үргэлжлүүлэн явуулж байна" гэсэн юм. Гэхдээ зүйл анги нь тодорхойгүй. Хэлэх боломжгүй. Түүнийг энэхүү хэрэгт гэрч, сэжигтэн биш, харин аллагыг зохион байгуулсан захиалагч, хамжигч гэсэн үндэслэлээр яллагдагчаар татсан байгаа бөгөөд өнөөдрийг хүртэл ямар нэгэн байдлаар мэдүүлэг өгөөгүй,  тодорхой юм ярьдаггүй гэдэг.  Хуулийнхны өмнөөс "салаавч" харуулсан  бичлэг нь олон нийтэд ил болсон, болгосон. Тэрбээр, олон утдаа тагнуул, цагдаагийнханд дуудагдаж байцаагдаж, удаа дараалан хоригдож байсан учраас юу хэлэх, хэлэхгүйгээ мэдэх хэмжээнд хүртлээ "туршлагатай" болсонтой нь холбоотой байж мэдэх юм. Ямар утгаар салаавч харуулсныг мэдэхгүй. Цөхрөөд үү, уурлаж бухимдаад уу, надад хамгаалалт байгаа гэсэн өнцгөөс үү. Булганы "салаавч" харуулсныг таашгүй.  Хуулийнхан Б.Булганы талаар ямар байр суурь илэрхийлж байв.

Нийслэлийн прокурорын газрын Хэрэг  бүртгэх мөрдөн байцаах ажиллагаанд хяналт тавих нэгдүгээр хэлтсийн хяналтын прокурор Б.Батжаргал “Захиалагчийг шалгах мөрдөн байцаалтын ажиллагааны явцад Б.Булган хэн ч болж болно” гэж байлаа. Одоо түүнийг хэн болгохыг хуулийнхан мэдэх нөхцөлд байдал үүсжээ.

Улсын ерөнхий прокурорын орлогч Г.Эрдэнэбат “Булганыг одоо  яллагдагчаар татсан. Анх гэрч, сэжигтнээр тооцон шалгаад, хөөн хэлэлцэх хуулийн хугацаа  2015 онд дууссан учраас хэргийг хэрэгсэхгүй болгосон. Одоо Б.Булганыг  Зоригийг хөнөөсөн хэрэгт захиалга өгсөн,  хамжигчаар оролцсон гэж сэжиглэн шалгаж байгаа.

Хууль зүй, дотоод хэргийн сайд Ц.Нямдорж: Булганыг яллагдагчаар татаж, байцааж байна гэдэг дүгнэлт гаргасныг харлаа. Жил энэ хэргийн хамжигч гэж хорьчхоод сүүлд нь хөөн хэлэлцэх хугацаа дууссан учраас хэрэгсэхгүй болгочхоод яагаад дахиад яллагдагчаар татаж байгаа юм бэ. Хамжигч байсан учраас шүүх хуралд оролцуулж болохгүй байсан юм гэж ярьж байна билээ. Гэмт хэрэгт  зохион байгуулагч, хамтрагч, хамжигч, гүйцэтгэгч гэж байдаг.

Б.Булганыг хориогүй

Тагнуулын Ерөнхий газраас Б.Булганыг дуудаж, яллагдагчаар татсаныг мэдэгдэн нууцлалын баримтад гарын үсэг зуруулсан нь тодорхой болсон. Харин түүнийг яллагдагчаар татаад хорьсон уу, гадуур байцааж байгаа юу гэдэг учир битүүлэг байсан юм.

Тагнуулын байгууллага дуудаж байцаасан гэдэг нь Булган гадуур байгаа нь тодорхой болж байх шиг. Соёлын гавьяат зүтгэлтэн,сэтгүүлч Г.Жамьян “...Булган маань хамгийн бохир бүдүүлэг үгээр булаад, салаавч гарган хаалгыг нь тас саваад гарч байх юм. Юу гэсэн үг вэ. Монголын хууль хяналтынхныг ингэж доромжилдог, цадигаа алдсан хүүхэн байдаг юм уу. “Намайг хэн ч, юу ч гэж чадахгүй. Миний ард лут их хүч байна” гэсэн санаа юм болов уу даа гэж ойлгосон.
Ийм аймшигт хэрэг явд­лын захиалагч нь юм уу, захиалгад ямар нэг байдлаар холбогдсон хүн нь Б.Булган мөн юм бол тийм сэжигтнийг “Таныг яллагдагчаар татлаа шүү” гэчхээд сул  чөлөөтэй явуулаад байдаг юм уу. Эрүүгийн практикт ийм сэжигтнийг яаран хорьж тусгаарлан шалгадаг биз дээ" гэж бичсэн бас асуусан байна.

А.Эрдэнэ

www.zindaa.mn