Ирэх даваа гарагаас Налайхын замын хөдөлгөөн хэвийн үргэлжилнэ

Баянзүрх дүүргийн 11-р хороо, Налайхын авто зам, Бумбат, Цэцээ гүн рүү салдаг уулзварын баруун талд ус зайлуулах хоолойн хучилтын хавтан цөмөрч, хөдөлгөөний аюулгүй байдлыг хангахгүй болжээ. Иймд Замын цагдаагийн албатай зөвшилцөж, энэ сарын 06-ны өдрөөс замын тус хэсгийн замыг хааж, түр зам гарган хөдөлгөөнийг үргэлжлүүлж байгаа юм байна.  

Хучилтын хавтанг захиалан хийлгэж, хучилтыг бүрэн сольж байгаа бөгөөд замын хөдөлгөөнийг энэ сарын 21-нд буюу гурав хоногийн дараа бүрэн нээж, тээврийн хэрэгслийн хөдөлгөөнийг хэвийн явуулахаар төлөвлөжээ.

А.Түвшин