Солонгосын хойгийг цөмийн зэвсгээс ангид байлгах БНАСАУ-ын чармайлтыг сайшаав

Автор | Zindaa.mn
2018 оны 09 сарын 29

Монгол Улсын Гадаад харилцааны сайд Д.Цогтбаатар НҮБ-ын Ерөнхий Ассамблейн 73 дугаар чуулганы Ерөнхий санал шүүмжлэлд оролцох үеэр БНАСАУ-ын Гадаад хэргийн сайд Ри Ён Хо-той НҮБ-ын төв байранд уулзав.

Уулзалтын үеэр Гадаад харилцааны сайд нар Монгол Улс, БНАСАУ-ын уламжлалт найрсаг харилцаа, НҮБ болон олон талт хамтын ажиллагаа, Монгол Улс, БНАСАУ хооронд дипломат харилцаа тогтоосны 70 жилийн ойн хүрээнд хэрэгжүүлэх арга хэмжээний талаар харилцан санал солилцлоо.

Монгол Улс нь Зүүн хойд Азийн бүс нутгийн энх тайван, аюулгүй байдалд өөрийн хувь нэмрээ оруулахад онцгой анхаарч байгааг тэмдэглээд, Солонгосын хойгийг цөмийн зэвсгээс ангид байхад гаргаж буй БНАСАУ-ын хүчин чармайлтыг онцолж, асуудлыг гагцхүү яриа хэлэлцээний замаар шийдвэрлэхийн төлөө байдгаа Гадаад харилцааны сайд Д.Цогтбаатар тэмдэглэв.

М.Бүүвэй

www.zindaa.mn

Сэтгэгдэл ( 1 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Тагнуулч Хурц (202.179.27.19)  2018 оны 09 сарын 30

Женко Хүрэлсүх Цогтбаатар нар Өмнөд Солонгос Хурцыг нь хүлээж авахгүйгээс хойш Хойд руу нь томилж тариаулах байлгүй дээ.

0  |  0
Top