ЗТХ-ийн сайд Ж.Бат-Эрдэнийг маргааш чөлөөлнө

Б.Эрхэс | Zindaa.mn
2018 оны 10 сарын 03

Зам тээврийн хөгжлийн яамны газрын дарга нар албан өрөөндөө архидан согтуурч, нэгнийхээ аминд хүрсэн хэрэг гарсан. Үүнтэй холбогдуулан салбарын сайд Ж.Бат-Эрдэнэ улс төрийн хариуцлагаа хүлээж, албан тушаалаасаа чөлөөлөгдөх хүсэлтийг өгөөд байгаа юм. Улмаар өнгөрсөн даваа гарагт /2018.10.01/ Зам тээврийн хөгжлийн сайд Ж.Бат-Эрдэнийг үүрэгт ажлаас нь чөлөөлөх тогтоолын төслийг Засгийн газрын Хэрэг эрхлэх газрын дарга Г.Занданшатар УИХ-д өргөн барьсан билээ.

УИХ-ын тогтоолын төсөл өргөн мэдүүлсэнтэй холбогдуулан хоёр намын бүлэг хуралдаж, Ж.Бат-Эрдэнэ сайдыг албан тушаалаас нь чөлөөлөхийг дэмжсэн байдаг. Түүнчлэн холбогдох байнгын хороод ч хуралдаж, тогтоолын төслийг дэмжсэн юм. Тэгвэл маргааш УИХ-ын чуулганы нэгдсэн хуралдаанаар Зам, тээврийн хөгжлийн сайд Ж.Бат-Эрдэнийг албан тушаалаас нь чөлөөлөх эсэх асуудлыг хэлэлцэнэ. 

Б.ЭРХЭС

WWW.ZINDAA.MN

Сэтгэгдэл ( 1 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Zochin (139.5.216.127)  2018 оны 10 сарын 04

Hairan said Ajlaa sain hiij baisan.

0  |  0
Top