Т.Аюурсайхан: Дөрвөн хүн БЭЛГИЙН МӨЛЖЛӨГИЙН хохирогч болсон байна

Б.Эрхэс | Zindaa.mn
2018 оны 10 сарын 03

УИХ-ын гишүүн Т.Аюурсайхан бүрэн эрхийнхээ хүрээнд Хууль зүй, дотоод хэргийн сайд Ц.Нямдоржид асуулга тавьжээ. Тэрбээр хүүхэд, эмэгтэйчүүдийг хулгайлах, худалдаалах гэмт хэргийг таслан зогсоох, түүнээс сэргийлэх чиглэлээр ямар үйл ажиллагаа явуулж байгаа талаар хөнджээ.

УИХ-ын гишүүн Т.Аюурсайханы асуулгад "Сүүлийн жилүүдэд хүүхэд хулгайлах, хүн сураггүй алга болох, түүний дотор хүүхэд, эмэгтэйчүүд сураггүй алга болох тохиолдол өсч, тухайн үйлдлийн ард хүн хулгайлах, худалдаалах гэмт хэрэг нууцлаг байдлаар үйлдэгдэж байж болзошгүй гэсэн хардлагыг төрүүлээд байна.

Тодруулбал, сүүлийн жилүүдэд Улаанбаатар хотод болон орон нутагт хүүхэд хулгайлсан, сураггүй алга болсон тохиолдлууд бүртгэгдэж, зарим хүүхэд өнөөдрийг хүртэл олдоогүй байна. Өнгөрсөн наймдугаар сарын байдлаар сураггүй алга болсон гэж бүртгэгдсэн 5977 хүн байгаагаас 2851 хүүхэд, есдүгээр сарын байдлаар хүн хулгайлсан гэмт хэргийн хохирогч болсон долоо, бэлгийн мөлжлөгийн хохирогч болсон дөрвөн хүн байна гэсэн статистик мэдээллийг Цагдаагийн ерөнхий газраас гаргасан байна. Зөвхөн албаны тоо баримтыг дурдахад ийм дүн харагдах бөгөөд албаны тоо баримтын гадуур, хяналтгүй хэдэн хүүхэд, эмэгтэйчүүд энэ гэмт хэргийн золиос болсныг тогтоох боломжгүй нь энэ асуудалд УИХ, Засгийн газар, хууль хяналтын байгууллагууд онцгойлон анхаарал хандуулах цаг болсныг харуулж байна.

Тиймээс асуудал хариуцсан сайдын хувьд Танд хандан дараах асуулгыг тавьж байна. Үүнд:

  1. Хүн хулгайлах, худалдаалах гэмт хэргийг таслан зогсоох, урьдчилан сэргийлэх чиглэлээр ямар бодлого барьж ажиллаж байгаа тухай
  2. Дээрх чиглэлээр хийж гүйцэтгэсэн ажил, тодорхой ямар үр дүн гарсан талаар
  3. Хуулийн зохицуулалтыг өөрчлөх, хариуцлагын тогтолцоог чангаруулах талаар ямар саналтай байгаа болон Засгийн газар, Хууль зүй, дотоод хэргийн яам, холбогдох хууль хяналтын байгууллагын зүгээс тус асуудлаар ямар ажил санаачлан хийж хэрэгжүүлсэн, цаашид ямар бодлого барьж ажиллаж байгаа талаар УИХ-ын тухай хуулийн 33.3 дахь хэсэгт заасан хугацаанд ирүүлж, чуулганы нэгдсэн хуралдаанд сонсгохыг хүсье” гэжээ.

Б.ЭРХЭС

WWW.ZINDAA.MN

Сэтгэгдэл ( 2 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Mongol  (172.68.58.221)  2018 оны 10 сарын 03

Erdenet tz mongol bank gesen hereguudiig zamhuurllaa hudal 60terbum offshore gej hudal shuugain uusgej tom hereguudiig zamhuurllaa

0  |  0
z (66.181.187.245)  2018 оны 10 сарын 03

munkhnar eej

0  |  0
Top