Хүүхэд хамгаалахад зарцуулах ёстой 192.5 сая төгрөгийг тавилга, эд хогшил авахад зарцуулжээ

Монгол Улсын Ерөнхийлөгч Х.Баттулга өнөөдөр /2018.10.08/ хүүхэд хамгааллын асуудлаар төрийн байгууллагын удирдлагуудтай уулзаж, ярилцсан билээ. Энэ үеэр Ерөнхийлөгч Х.Баттулга хүүхэд хамгааллын салбарт энэ оны улсын төсөвт таван тэрбум төгрөг суулгасан байтал 3.7 тэрбумыг нь эд хогшил, тавилга авахад зарцуулсан гэх мэдээллийг нягталж, шүүмжилсэн юм.

Харин Гэр бүл, хүүхэд, залуучуудын хөгжлийн газрын дарга О.Алтансүх хариулахдаа "2018 онд УИХ хүүхэд хөгжил, хамгааллын салбарт 6.4 тэрбум төгрөг суулгасан. 2.4 тэрбум төгрөгийг орон нутаг, нийслэлийн есөн дүүрэгт хувиарласан. Хөдөлмөр, нийгмийн хамгааллын яаман дээр 700 сая төгрөг, Гэр бүл, хүүхэд, залуучуудын хөгжлийн газарт 667 сая төгрөг, дэргэдэх байгууллага буюу “Найрамдал”, “Өнөр бүл”, “Нарт хангай”, “108” төв, хүүхэд хамгаалах байранд 789 сая төгрөг, салбар дундын үйл ажиллагаанд 1.4 тэрбум төгрөг суусан. Эдгээр зардлаас тавилга, тоног төхөөрөмжтэй холбоотой зардал нь 192.5 сая төгрөг болсон. Тавилга гэдэг нь хөгжлийн бэрхшээлтэй хүүхдүүдэд нөхөн сэргээх үйлчилгээ үзүүлдэг төвд нөхөн сэргээх төхөөрөмж, техникийн хангамж хүрэлцээгүй байгаа зарим орон нутагт компьютер, ширээ сандал авсан. Энэ нь 67.4 сая төгрөг болсон. Мөн “Өнөр бүл” төвд 23 сая төгрөгийн архивын тоног төхөөрөмж авса" хэмээн тодотгосон юм.

Б.ЭРХЭС

WWW.ZINDAA.MN