Ц.Нямдорж: Халдашгүй байдлын дэд хорооны хурлын дараа тайлбар өгье

Прокурорын байгууллагаас УИХ-ын гишүүн Г.Солтан, Л.Энхболд, Б.Ундармаа, Г.Дамба-Очир нарын бүрэн эрхийг түдгэлзүүлэн шалгах саналыг УИХ-д хүргүүлээд байгаа.

Уг асуудлыг УИХ-ын Халдашгүй байдлын дэд хорооны хуралдаанаар хэлэлцэх учиртай. УИХ-ын Халдашгүй байдлын дэд хороог УИХ-ын гишүүн, ХЗДХ-ийн сайд Ц.Нямдорж даргалдаг бол бүрэлдэхүүнд нь УИХ-ын гишүүн Ч.Улаан, Д.Лүндээжанцан нар багтдаг юм.

УИХ-ын Халдашгүй байдлын дэд хорооны дарга УИХ-ын гишүүн, ХЗДХ-ийн сайд Ц.Нямдоржоос “Дөрвөн гишүүний бүрэн эрхийг түдгэлзүүлэх асуудлыг хэзээ хэлэлцэх вэ?” гэж асуухад “Халдашгүй байдлын дэд хороо хуралдана. Хурлын дараа тайлбар өгье” гэсэн юм.

Харин тус дэд хорооны гишүүн УИХ-ын гишүүн Д.Лүндээжанцан “Гишүүдийн бүрэн эрхийг түдгэлзүүлэх тухай хүсэлт ирсэн. Одоо халдашгүй байдлын хороо хуралдана” гэсэн тайлбар өглөө.

ВИДЕО