БАЙНГЫН ХОРОО: УИХ-ын даргыг огцруулах тухай хуулийн төслийг 100 хувийн саналаар дэмжив

М.Хангал | Zindaa.mn
2019 оны 01 сарын 09

УИХ-ын Төрийн байгуулалтын байнгын хорооны өнөөдрийн /2019.01.09/ хуралдаанаар Монгол Улсын Ерөнхийлөгч 2019.01.04-ний өдөр өргөн мэдүүлсэн Монгол Улсын Их Хурлын чуулганы хуралдааны дэгийн тухай хуульд нэмэлт оруулах тухай хуулийн төсөл болон хамт өргөн мэдүүлсэн Монгол Улсын Их Хурлын тухай хуульд нэмэлт, өөрчлөлт оруулах тухай хуулийн төслийн хэлэлцэх эсэхийг хэлэлцлээ.


Төрийн байгуулалтын байнгын хорооны дарга Д.Лүндээжанцан УИХ-ын халдашгүй байдлын дэд хорооны хуралдаанд сууж байгаа тул тус байнгын хорооны хуралдааныг УИХ-ын гишүүн Н.Амарзаяа удирдан явуулсан бол Ерөнхийлөгчийн санаачилсан хуулийн төслийг Ерөнхийлөгчийн Тамгын газрын дарга З.Энхболд уншиж танилцуулсан юм.


Хэлэлцэж буй асуудалтай холбогдуулан УИХ-ын гишүүн Л.Оюун-Эрдэнэ “Хуулийг хоёр талаас тайлбарлаж болохгүй. Парламентын дархлаа чухал. Хувь хүнд тохируулж хууль батлах нь сайн хувилбар биш. Албан тушаал мөнх биш. Энэ хууль батлагдахаас өмнө М.Энхболд дарга шийдвэр гаргах байх гэж би өнөөдрийг хүртэл найдаж байна. Магадгүй энэ хууль батлагдвал дараагийн парламентын даргад ч асуудал үүсч болзошгүй. Ээлжит бус чуулган зарлая гэхэд буцсан. 60 тэрбумын хэрэгтэй холбоотой нийтийн сонсгол хийх асуудал тавихад буцсан. Эцэстээ ийм байдалд хүрчихлээ. Парламент бүх боломжоо бүрэн дайчлах ёстой. Төрт ёс 40 хоног гацлаа. Үүнийг М.Энхболд дарга маань бодолцоно байх гэж найдаж байна. Ингэвэл Монголын парламентад оруулж буй таны хувь нэмэр шүү” гэсэн юм.


УИХ-ын гишүүн Б.Наранхүү “Бид зодолдох дуртай ард түмэн. Өмнө нь Засгийн газрын төлөө зодолддог байсан бол одоо УИХ-ын даргын суудлын төлөө нэг нэгэнтэйгээ алалцдаг байдал нэмэгдлээ. Утаа, вальютын ханшийн өсөлтийг ярихгүй мөртлөө зодооноо л яриад байх юм. Эрээ цээргүй байдал чинь 2020 оноос хойшхи парламент байх эсэхэд эргэлзээтэй байдал үүсгэж байна” гэлээ.


Харин УИХ-ын дарга М.Энхболд “Сүүлийн үед над руу дайрах үйл явдал хэр хэмжээнээсээ хэтэрлээ. Гэхдээ би төр улсын ажил хуулийн дагуу явах ёстой гэдэг байр сууриндаа байгаа. Идүүлсэн бут ургадаг. УИХ-ын 40 гишүүн намайг огцрохыг шаардсан. Төрийн байгуулалтын байнгын хороо энэ асуудлыг хуульд дурдсан таван үндэслэлтэй нийцэхгүй байна гэсэн хариу ирүүлсэн. 40 гишүүний шаардлага хуульд нийцээгүй байна гэсэн үг.


Өнөөдөр Ерөнхийлөгч хуульд нийцүүлэх үүднээс төсөл өргөн барилаа гэж ойлгож байна. Би хууль хяналтын байгууллагын үйл ажиллагаа хэн нэгэн албан тушаалтнаас хараат бус ажиллах ёстой гэж үзэж байна. Ямар нэгэн байгууллагын удирдлагуудыг би томилоогүй. Намайг Улаанбаатар хотын газрыг наймаалцсан гэж буруутгаж байна. Энэ жагсаал цуглааныг санаачлаад яваа Л.Болд гишүүнд би "Бодь" цамхгийнх нь газрыг өгч байсан. Л.Болд гишүүн надаас худалдаж авсан юм уу? 60 тэрбумын хэргээр ч хэлэлцүүлэг хий гэж хэлсэн. Би Ерөнхийлөгчийн оруулж ирсэн хуулийг дэмжиж байгаа” хэмээн байр сууриа илэрхийллээ.  


Мөн УИХ-ын гишүүн Г.Занданшатар “Төрийн бүх эрх мэдэл ард түмнээс уламжлалтай байна гэж дэлхийн бүх улс Үндсэн хуулианд заасан байдаг. Тэгэхээр энэ хууль хэрэгтэй. Дэлхийн бүх ардчилсан улсад явдаг зарчмаас бид гажиж болохгүй. Нийгмийн уур амьсгалыг харгалзах учиртай. Тиймээс энэ хуулийг аль болох шуурхай батлах нь зүйтэй” гэсэн юм.


Ингээд Монгол Улсын Ерөнхийлөгч 2019.01.04-ний өдөр өргөн мэдүүлсэн Монгол Улсын Их Хурлын чуулганы хуралдааны дэгийн тухай хуульд нэмэлт оруулах тухай хуулийн төсөл болон хамт өргөн мэдүүлсэн Монгол Улсын Их Хурлын тухай хуульд нэмэлт, өөрчлөлт оруулах тухай хуулийн төслийг Төрийн байгуулалтын байнгын хорооны гишүүдийн 100 хувийн  саналаар дэмжиж, чуулганы нэгдсэн хуралдаанаар хэлэлцүүлэхээр шийдвэрлэв.

Сэтгэгдэл ( 11 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Илд(202.126.89.231) 2019 оны 01 сарын 10

Ингэж улс орон ард түмэн төр засагийн төлөө ажилаж байгаа ерөнхийлөгчийг үзсэнгүй. Ерөнхийлөгч Х.Баттулгад талархасанаа илэрхийлэе...шударга ёсны төлөө цуцаралтгүй тэмцсэн Л.Оюунэрдэнэ дүүдээ баярлалаа...

Зочин (66.181.177.215) 2019 оны 01 сарын 10

40 гишуун ард тумэн биш юм байх даа яасан унэтэй суудал вэ

4  |  0
mon,bish(115.171.244.105) 2019 оны 01 сарын 09

40 gishuun bol ard tumnii ochuuhen heseg mon.Harin huivaldaanii bulgiin bol toloolohui olonh ni baraagui mon

0  |  0
mon,bish(115.171.244.105) 2019 оны 01 сарын 09

40 gishuun bol ard tumnii ochuuhen heseg mon.Harin huivaldaanii bulgiin bol toloolohui olonh ni baraagui mon

0  |  0
Иргэн(66.181.161.35) 2019 оны 01 сарын 09

Ёстой монголын арл түмэн БНМАУыг үнэн уландаа гишгэлээ

0  |  0
амрү(64.119.19.6) 2019 оны 01 сарын 09

Барзгөраа баяртай.

Зочин(112.72.15.78) 2019 оны 01 сарын 09

Занданшатар сайд бас гайгүй хүн шиг байсан хүний мууд нугасгүй дуртай туйлбаргүй нөхөр юмаа даа ..ААн за за ойлголоо нутгийн Ерөнхийлөгчийн даалгавар болохоор л тэр биз дээ.

0  |  0
mehendee l budereh b(115.171.244.105) 2019 оны 01 сарын 09

zaluus ov zail ihtei. Ene 40 zaluu Battulgiig medleg bolovsrolguig dalimduulaad yamarch baisan hen negnee hussen suudald ni suulgaj ”SHINE MANAG” maijlttai uusgeh hors ”bii bolgoj zorilgodoo hurch huuliin tosol bariulaad Endbold deer oruulchihlaa daa kkk

0  |  0
зочин(66.181.160.45) 2019 оны 01 сарын 10

Их хурал ажлаа хийхгүй байлаа гээд монголын амьдрал явдгаараа явж л байна. Харин ч янз бүрийн лоббины хууль батлагдаж улс оронд гай болохгүй амар байна. Та нар хурлаа хийлээ гээд бид нарын амьдрал сайжрахгүй гэдэг нь нэгэнт батлагдсан асуудал. Ер нь 76 байхгүй байсан ч болох юм биш үү. Хэрвээ нэг өглөө сэрээд 76 алга болчихсон байвал би л лав үгүйлэхгүй.

14  |  0
Аа(202.21.106.113) 2019 оны 01 сарын 10

Яаг үнэн

1  |  0
Зочин(117.111.10.106) 2019 оны 01 сарын 10

Тийм шүү.

1  |  0
Top