ЧУУЛГАН: УИХ-ын гишүүдийн ирц бүрдэхийг хүлээж байна
УИХ-ын чуулганы нэгдсэн хуралдааныг өнөөдөр /2019.01.11/ 10:00 цагт хуралдуулах шийдвэр гарсан ч 11:00 цагийн байдлаар 10 гаруй гишүүний ирцтэй байна.
Өчигдөр /2019.01.10/ чуулганы нэгдсэн хуралдаан шөнө дунд хүртэл /04:30 цаг/ үргэлжилж УИХ-ын гишүүн Г.Солтан, Д.Дамба-Очир, Б.Ундармаа, Л.Энхболд нарын дөрвөн гишүүнийг яллагдагчаар татаж, бүрэн эрхийг нь түдгэлзүүлэн шалгах прокурорын байгууллагаас ирүүлсэн саналыг хэлэлцэн үргэлжлүүлэн өнөөдөр 10:00 цагаас хуралдахаар завсарлуулаад байсан юм.
Мөн чуулганаар Ерөнхийлөгчөөс 2019.01.04-ний өдөр өргөн мэдүүлсэн УИХ-ын даргыг гишүүдийн олонхийн саналаар огцруулах хуулийн заалт буюу УИХ-ын чуулганы хуралдааны дэгийн тухай хуульд болон хамт өргөн мэдүүлсэн УИХ-ын тухай хуульд нэмэлт, өөрчлөлт оруулах тухай хуулийн төслийг хэлэлцэх учиртай. Ерөнхийлөгчийн өргөн мэдүүлсэн хуулийн төслийг хэлэлцэхээс өмнө Төрийн байгуулалтын байнгын хороо хуралдаж, төслийн анхны хэлэлцүүлгийг хийх юм.
Ийнхүү олон нийтийн анхаарлын төвд байгаа асуудлуудыг хэлэлцэх учиртай чуулганы нэгдсэн хуралдааны ирц бүрдэхийг хүлээж байна.
Холбоотой мэдээ
Сэтгэгдэл ( 2 )
цагтаа ажилдаа ирэх наад захын ухамсар, сахилга бат байхгүй, муу талаараа бусдыг манлайлдаг ямар хүмүүс энэ их хуралд суудаг юм бэ?
Гишүүд чинь дуртай үедээ ирээд дургүй уедээ ирэхгүй юм байна л даа