Хот хоорондын тээврийн тасалбарын үнэд өөрчлөлт орохгүй

Дизель түлшний хомсдол үүссэнтэй холбоотойгоор хот хоорондын зорчигч тээвэрт зохицуулалт хийхээр болжээ. Авто тээврийн газраас Тээврийн хэрэгслийн оношлогоо, хяналт зохицуулалтын албанд түлшний хомсдол арилтал хот хоорондын зорчигч тээврийг таслахгүй байх үүрэг өгсөн аж. Үүний дагуу Тээврийн хэрэгслийн оношлогоо, хяналт зохицуулалтын албаныхан дизель түлшээр явдаг 36 хүний суудалтай 60 орчим ПАЗ автобусыг хот хоорондын тээвэрт явуулахыг зогсоож, оронд нь 28 хүний суудалтай жижиг оврын автобус үйлчилгээнд гаргасан байна. Мөн шатахууны үнийг нэмсэн ч тасалбарын үнэд өөрчлөлт оруулахгүй гэнэ.

Эх сурвалж: Улс төрийн тойм