Женнифер Лопез 50 насандаа гэрлэх санал авлаа

Өдгөө 50 настай дуучин Женнифер Лопез залуу бүсгүйчүүдээс ч илүү зоригтой хувцаслалтыг сонгодог. Үргэлж олны анхаарлын төвд байдаг тэрбээр 2017 оны гуравдугаар сараас бейсболчин Алекс Родригестой үерхэж байгаа билээ. Тэгвэл Алекс түүнд гэрлэх санал тавьжээ. 43 настай бейсболчин далайн эрэгт романтик байдлаар Жэй Лод эхнэр нь болох саналыг тавьсан байна. Тэдний зураг цахимд жинхэнэ “од” болж байгаа юм.

Дуучин бүсгүйг анх болзоонд урихдаа тун чиг сандарч байснаа ярьдаг Алекс Родригес Жей Лотой 14 жилийн турш танилууд явжээ. Тэрбээр дуучин бүсгүйг болзоонд урьж зүрхэлдэггүй байсан бол анхны алхмыг Женнифер Лопез өөрөө хийсэн байна. Алекстай тааралдаад түрүүлж мэндлэн, яриа үүсгэх боломж олгосон талаараа Жэй Ло ярьсан байдаг.