Ж.Мандхай дэлхийг өөрчилж буй долоон эмэгтэйн нэгээр нэрлэгдлээ

О.Саша | Zindaa.mn
2019 оны 04 сарын 02

Дэлхийг хэн удирдаж байна вэ? Тheculturetrip.com-ын гаргасан 2019 онд дэлхийг өөрчилж буй долоон эмэгтэйн нэгээр монгол дизайнер бүсгүй нэрлэгджээ. Хийж буй ажил, бизнес, бүтээгдэхүүнүүд нь дэлхийн эмэгтэйчүүдэд эерэг нөлөө үзүүлж буй бүсгүйчүүдийн тоонд орсон Жаргалсайханы Мандхайн “Mandkhai cashmere”-ийн ноолууран хувцаснуудыг алдартай моделиуд, бизнес хатагтай нар, Холливудын одод өмсдөг.

“Манай ажилчдын 80 хувь орчим нь эмэгтэйчүүд” гэж дизайнер Ж.Мандхай ярьжээ. Тэрбээр өөрөө Лондонд амьдардаг ч MANDKHAI загварын коллекциудыг Монголд үйлдвэрлэдэг. “Бид эмэгтэйчүүдэд гараараа оёхыг сургадаг” гэж Ж.Мандхай ярьсан байна.

Түүний үйлдвэрийн ажилчид анх байгуулагдах үеэс нь ажилласан болохоор олон жилийн туршлагатай. Гол нь MANDKHAI брэнд барууны хэв загвараас ч хоцордоггүй гэж Тheculturetrip.com монгол бүсгүйг магтжээ.

Ж.Мандхай нь "Буян" компанийг үүсгэн байгуулагч Б.Жаргалсайханы охин юм. Тэрбээр аавынхаа бизнесийг өвлөж, өөрийн MANDKHAI брэндийг үүсгэн байгуулан, амжилттай ажиллаж байна. 

Сэтгэгдэл ( 0 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top