ЧУУЛГАН: Улсын Ерөнхий прокуророор Б.Жаргалсайханыг томилох эсэхийг хэлэлцэж байна

Үндэсний аюулгүй байдлын зөвлөлөөс гаргасан зөвлөмжийг үндэслэж Улсын Ерөнхий прокурор М.Энх-Амгаланг үүрэгт ажлаас нь чөлөөлсөн билээ. Улмаар Ерөнхийлөгч Х.Баттулга бүрэн эрхийнхээ хүрээнд Монгол Улсын Ерөнхий прокурорт Б.Жаргалсайханы нэрийг дэвшүүлсэн юм. Энэхүү асуудлыг яг одоо УИХ-ын чуулганы нэгдсэн хуралдаанаар хэлэлцэж байна. 

Өөрөөр хэлбэл, хуралдаанаар Монгол Улсын Ерөнхий прокуророор Б.Жаргалсайханыг томилох эсэх асуудлыг хэлэлцэж эхэллээ.

Үдээс өмнө УИХ дахь МАН-ын бүлэг хуралдаж, Улсын Ерөнхий прокуророор Б.Жаргалсайханыг томилохыг бүлгийн гишүүдийн олонх дэмжсэн. Түүний дараа УИХ-ын Хууль зүйн байнгын хороо хуралдаж, саналаа гаргасан юм. Харин яг одоо хэлэлцэж байгаа асуудалтай холбогдуулан УИХ-ын гишүүд Улсын Ерөнхий прокурорт нэр дэвшигч Б.Жаргалсайханаас асуулт асууж, хариулт авч байна. 

МОНГОЛ УЛСЫН ЕРӨНХИЙ ПРОКУРОРТ НЭР ДЭВШИГЧ Б.ЖАРГАЛСАЙХАНЫ НАМТАР: 

• 1988-1990 онд Өвөрхангай аймгийн, Прокурорын Газарт хяналтын прокурор,
• 1990-1996 Тээврийн Прокурорын Газарт тээврийн прокурор,
• 1996-2000 онд Өвөрхангай аймгийн Прокурорын Газарт прокурор,
• 2009-2011 онд Улсын Ерөнхий Прокурорын Газарт хяналтын прокурор,
• 2011-2014 онд Тээврийн Прокурорын Газар тээврийн прокурор,
• 2014-2015 онд Улсын Ерөнхий Прокурорын Газарт хэлтсийн дарга,
• 01.07-2017.07.01 ХБАХТХэлтсийн дарга,
• 2017-2018 онд Улсын Ерөнхий прокурорын туслах, Зөрчил шалган шийдвэрлэх ажиллагаанд хяналт тавих хэлтсийн дарга, хууль цаазын тэргүүн зөвлөхөөр ажиллаж байна.