Г.Занданшатар сайдын хобби

 Улс төрчдийн ихэнх нь анд, моринд, буунд, машинд хоббитой гээд л ярьж суугаа харагддаг. Гэхдээ тэдний дунд хамгийн сайхан хоббитой нь Гадаад харилцааны сайд Г.Занданшатар. Тэрээр цэцэг тарих хоббитой. Тэр ч утгаараа эрхэм сайд амьдардаг гэрээ, албан тасалгаагаа янз янзын сайхан цэцэгсээр цэцэгжүүлсэн байдаг аж. Харин саяхнаас тэрбээр эрхэлсэн яамаа цэцэгжүүлэх аянд гарч Монгол Улсын орчин үеийн дипломат алба байгуулагдсаны 100 жилийн ойг тохиолдуулан “Хайтан” цэцгийн клубтэй хамтарч сургалт зохион байгуулжээ. Энэ нь ч яамных нь ажилчдад тун их таалагдсан сурагтай. Тэгэхээр цэцэг тарих хоббитой цэцэгчин сайдын хүсэл бага багаар биелэхэд саад учрахгүй нь бололтой. Яагаад гэвэл тэр хамгийн гэгээлэг хоббитой нэгэн.

А.Туяа

Zindaa.mn-Үндэсний чөлөөт мэдээллийн портал