МАН: Ерөнхийлөгчийн хоригийг хүлээж авсангүй

УИХ дахь МАН-ын бүлэг өнөөдөр ээлжит бусаар хуралдлаа. Хуралдаанаар хоёр асуудал хэлэлцсэн байна. Эхнийх нь Монгол Улсын Ерөнхийлөгч Х.Баттулгын бүрэн эрхийнхээ хүрээнд Ард нийтийн санал асуулга явуулах тогтоолд тавьсан хоригийг хүлээж авах эсэхийг хэлэлцжээ. Улмаар бүлгийн гишүүд Ерөнхийлөгчийн хоригийг хүлээж авахгүй гэх байр сууринд санал нэгджээ. Харин хоёр дахь хэлэлцсэн асуудал нь Зэвсэгт хүчин жанжин штабын даргаар бригадын генерал Д.Ганзоригийг томилох эсэх асуудлыг хэлэлцэж дэмжээ.