Ерөнхиилөгчийн зарлиг долдугаар сарын 1-нээс хэрэгжинэ

 Ерөнхийлөгч Ц.Элбэгдорж  2010 оны долдугаар сарын 6-нд гаргасан зарлигтаа монгол бичгийн албан хэрэглээг нэмэгдүүлэх зарим арга хэмжээний тухай зарлигийг дагаж мөрдөхийг 2011 оны долдугаар сарын 1-ний өдөр гэж товлосон. Зарлиг ёсоор Монгол Улсын Ерөнхийлөгч, Улсын Их Хурлын дарга, Ерөнхий сайд болон Засгийн газрын гишүүдээс гадаад улсын адилтгах түвшний албан тушаалтанд илгээх албан бичиг, захидлыг монгол бичгээр үйлдэж, орчуулгыг тухайн улсын, эсвэл НҮБ-ын албан ёсны аль нэг хэлээр хавсаргах, иргэний төрсний болон гэрлэлтийн гэрчилгээ, бүх шатны боловсролын сургалтын байгууллагаас олгож буй үнэмлэх, диплом, гэрчилгээнд кирилл болон монгол бичгээр зэрэгцүүлсэн бичилт хийх юм байна.

 Б.Эрдэнэ.

Zindaa.mn-Үндэсний чөлөөт мэдээллийн портал