Өнөөдөр Ж.Наранцацралт агсны төрсөн өдөр

Төр, нийгмийн нэрт зүтгэлтэн Ж.Наранцацралт агсны  төрсөн өдөр өнөөдөр буюу зургадугаар сарын 11-нд тохиож байна. Энэ тэмдэглэлт өдрийг тохиолдуулан түүний төрөл төрөгсөд, найз нөхөд, хамтран зүтгэгчид, иргэдийн төлөөлөл Мандалговь дахь Ж.Наранцацралт агсны хөшөөнд  цэцэг өргөн хүндэтгэл үзүүллээ. Мөн “Наранцацралт” сангаас эрхлэн  Дундговь аймгаас гаралтай сүүлийн үед орон даяар нэрд гарч яваа  дуучид, яруу найрагчид оролцсон  том концертыг Мандалговьчуудад сонирхуулна. Мөн ахлах ангийн сурагчдын дунд яруу найргийн уралдаант наадам  зохион байгууллаа. Тус аймгийн Дэлгэрхангай сумын уугуул авьяаслаг дуучин Э.Төрмандах Наранцацралтын хөшөө цогцолбор бүхий цэцэрлэг дэх ил талбайд   бүрэн хэмжээний концерт тоглолоо.

 С.Пүрэвсүрэн.

 Zindaa.mn-Үндэсний чөлөөт мэдээллийн портал