Канадад Уханиас очсон оюутнаас коронавирус илэрчээ

Автор | Zindaa.mn
2020 оны 02 сарын 01

Онтарио мужийн Эрүүлийг хамгаалах газраас мэдээлснээр Канад улсад коронавирусийн дөрөв дэх тохиолдол илэрчээ. Халдвар илэрсэн 20 настай эмэгтэй энэ сарын 23-нд Уханиас ирсэн байсан аж. Бүсгүй Канад руу нисэх үедээ өвчний ямар ч шинж тэмдэггүй байсан бөгөөд байнга маск зүүж байжээ. Түүний биеийн байдал хэвийн байгаа гэнэ.

Канадад хамгийн сүүлд энэ сарын 28-нд нэгэн эрэгтэйгээс коронавирусийн халдвар илэрсэн билээ. Тэгвэл Саннибрук хотын эмнэлгээс нэгэн өвчтөн бүрэн эмчлэгдэн гарчээ.

Коронавирусээр халдварлан амиа алдсан хүний тоо дэлхий дахинд нийт 258 болоод байна. Нэг өдрийн дотор 45 хүн амиа алдаж, халдвар авсан хүний тоо 10 мянга давжээ.

Сэтгэгдэл ( 0 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top