Нүүрсний экспорт жилийн өмнөхөөс 1.3 сая тонноор БАГА БАЙНА

Монгол Улс ирэх сарын 15-наас эхлэн нүүрс, газрын тос,  бусад ашигт малтмалын экспортоо хийж эхэлнэ. Гэхдээ эрсдэлээс сэргийлж, тусгай горимыг дагаж мөрдөх юм.

Өмнөх оны мөн үед манай улс 4 сая тонн нүүрс экспортод гаргачихсан байсан бол 2020 он гарсаар 2.7 сая тонн нүүрс БНХАУ-д гаргажээ. Тэгэхээр жилийн өмнөхөөс нүүрсний экспорт 1.3 сая тонноор бага байна.

Сануулахад, 2019 оны хоёрдугаар хагас буюу зургаадугаар сар гэхэд манай улс 18 сая тонн нүүрс экспортод гаргачихсан байсан. Энэ жилийн тухайд коронавирусийн улмаас экспортод гацаа үүссэн нь ийнхүү олон жилийн давтамжид өөрчлөлт оруулж буй юм.

 Манай нүүрсний худалдан авагч тал БНХАУ-ын зүгээс бол худалдан авахад бэлэн гэдгээ илэрхийлээд байгаа аж. Ирэх сарын дундаас нүүрсээ нийлүүлээд эхэлчихвэл, цаашлаад коронавирусийн дэгдэлт хумигдвал Монголын нүүрсний экспорт өнөөдрийн 1.3 сая тонны хоцрогдлыг нөхөж болох боломж бий. Ер нь бол гуравдугаар сард нүүрсний эрэлт нэмэгддэг жишигтэй.