КОВИД-19: Мэргэжлийн холбоод боксчдоо Азиас гаргаж байна

Америкийн мэргэжлийн боксын “Top Rank” промоутер компани коронавирусний халдварын улмаас Хятадад болох байсан том тэмцээнээ цуцалж, ихээхэн хохирол хүлээсэн.

Дахин ийм хохирол амсахгүйн тулд тамирчдаа халдвараас урьдчилан сэргийлж, АНУ-д авчрахаар шийджээ.
 

Ирэх дөрөвдүгээр сарын 25-нд WBO холбооны аварга Жон Риль Касимеротой аваргын бүс нэгтгэх тулаан хийх WBA, IBF холбооны аварга Японы Наоя Иноүэг гэр бүлийнхнийх нь хамт энэ долоо хоногт Америкт авчрах гэнэ.

“Top Rank”-ийн тэргүүн Боб Арум “Коронавирус бидний санааг ихэд зовоож байна. Наояд АНУ-ын виза хурдан гаргуулж, Лас-Вегаст авчрах болно. Мөн тавдугаар сард Глазгод тулалдах Тайландын Апинун Хонгсонгийг ч Шотландад нэн даруй авчрахаар болсон” гэж сэтгүүлчдэд мэдээллээ.