NBA: Нийт таван багийн бүх тамирчныг тусгаарлана

Б.Аззаяа | Zindaa.mn
2020 оны 03 сарын 12

Юта Жазз багийн тоглогч Руди Гобер болон Эммануэль Мудиай нараас коронавирус илэрсний дараа NBA-н удирдлагууд нийт таван багийн бүх тамирчныг тусгаарлахаар шийдвэрлэжээ.

Учир нь сүүлийн 10 хоногийн хугацаанд Юта Жазз багтай таарч тоглосон тамирчид ч эрсдэлд орж байгаа тул ийм шийдвэр гаргасан байна.

Ингэснээр Кливленд Кавальерс, Нью-Йорк Никс, Бостон Селтикс, Детройт Пистонс, Торонто Репторс багийн тоглогчид тусгаарлагдахаар болжээ.

Харин NBA-д бүртгэлтэй бүх багийн тамирчин, арын алба, удирдлагуудаас коронавирусний шинжилгээ авахаар болсон байна.

Одоогоор улирлын тоглолтыг бүр мөсөн цуцлах эсвэл таван сард шууд плей-оффын тоглолтыг эхлүүлэх зэргийг эцэслэн шийдээгүй байгаа бөгөөд монголын цагаар маргааш өглөө албан ёсоор тодорхой болно.

Эх сурвалж: ESPN

Top