Ч.Улаан сайд Нарантуул зах дээр наймаа хийжээ

  Өнгөрдөг амралтын өдрүүдэд “Нарантуул” худалдааны төв дээр “Тэнгэрийн од газарт буулаа” хэмээх яриа болоод өнгөрчээ. Чухам юуны тухай ингэж ярих болов хэмээн сонирхтол УИХ-ын гишүүн Ч.Улаан өөрийн биеэр тус худалдааны төвийн хулдаас, дрожны тасагт 30-аад минут саатаж, олны нүдийг хужирласан байна. Энэ үеэрээ 10 метр хулдаасыг нааш цааш нь татаж үзээд, бага зэрэг үнэ дээр нь тохиролцоо хийгээд хулдаасаа аваад гарч оджээ. Ийнхүү УИХ-ын гишүүн Ч.Улааныг өөрийн биеэр ирж худалдаа хийсэнд олон түмэн бага зэрэг гайхаж байсан ч хэл амаа билүүдсэн нь “Тэнгэрийн од газарт буугаад явлаа. Гэхдээ зарах үнээр нь авахгүй үнэ буулгаж байгааг бодоход багагүй нарийн золиг бололтой” гэсэн яриа амнаас ам дамжин хөвөрсөн юм. Үнэхээр ч УИХ- ын гишүүн Ч.Улаан олон жил Сангийн сайд хийсэн, арвилан хэмнэлтийн мастер учраас олсон хэдийгээ бусад шигээ гарынхаа салаагаар урсгахыг бодохгүй нь ойлгомжтой. Тэгээд л юмны хямдыг бодож тус худалдааны төвийг зорьсонд юуны буруу байх вэ.

Эх сурвалж: Өглөөний сонин