Armand Van Helden: Hip-Hop vs. House

Тэр бол бүжгийн хөжмийн чартыг удаан хугацаагаар тэргүүлэгч, Speed Garage хэмээх урсгалын “эцэг”. Тэр өөрийнхөө хамгийн дуртай болон дургүй хүргэдэг хөгмийнхөө талаар ингэж ярьжээ.

-Та яг одоогоор хичнээн пянз цуглуулаад байна.

-Ойролцоогоор 15.000  болсон. Тэдгээрийгээ хадлагахын тулд би одоогоос хэдэн жилийн өмнө байраа хүртэл томсгосон. Цаашдаа ч энэ тоо улам нэмэгдэнэ.

-АНУ болон Еропод тоглож байхад үзэгчдийн сонирхолын ялгаа их гарна биз?

-Европынхон их доргио байдаг. Харин америкчууд сонсохыг эрхэмлэдэг.

-Та ер нь хичнээн поп дуучинтай хамтран ремикс хийсэн бэ?

-Нэлээн хэдэн хүн байгаа шүү. Америкт бол тэдэнтэй байнга холбоотой байж халааснаасаа хэдэн юм гаргахгүй бол болдоггүй юм. Тэдний нөлөө их гэж байгаа юм биш шүү. Харилцан хүндэтгэл байх хэрэгтэй гэж боддог. Тэд ч ихэнхдээ надтай хамтран ажиллахыг хүсдэг.

-Хэн хэн бэ?

-Мик Жаггер, Жастин Тимберлэйк, Бритни Спирс... гээд олон хүн бий.  Тэднээс хамгийн өндөр сэтгэгдэл үлдээсэн нь Мик Жаггер.

-Аюми Хамасакигийн “Inspire” дууны ремикс таны хамгийн шилдэг ажлын нэг гэгддэг?

-Тэр эхлээд над дээр ирсэн. Тэгтэл би түүнийг хэн гэдгийг мэддэггүй. Тэгээд л танилцаад ажилдаа орцгоосон. Бүх зүйл ОК болсон доо. Мөн Ace of Base-ийн ремиксийг хийж байхдаа би тэднийг огт мэддэггүй байсан. Дараа нь харин найзууд болцгоосон.

-Таныг залуу авьяастануудыг их дэмждэг гэж дуулсан. Тэгвэл хамгийн сүүлийн “нээлтээсээ” яриач?

-Саяхан нэг сүрхий реппер бацаантай танилцсан. Бичлэгэнд нь тусалсан. Нью-Йорк ч тэгээд репперүүдийн орон доо. Тэгэхээр сайн хүн олох одоо амархан болжээ.

-Өнгөрсөн онд “Ghettoblaster” хэмээх цомог гаргасан. Тэгвэл дараагийнх нь...?

-Одоогоор гурван ч дуугаа гаргаад байна. удахгүй коллекшн цомог гарна.

-Хип Хоп чиглэлийнх биш үү?

-Тийм. Жинхэнэ хип хоп үнэртэнэ дээ.

-Таныг “хип-хопод дуртай хаусчин” гэдэг?

-Би өөрөө ч тэгэж хэлдэг. Үнэндээ бол хип-хопыг хаустай алалцуулах дуртай л даа.  

Р.Слава