Шүүхээс эдийн засагч Л.Наранбаатар З.Энхболдыг гүтгээгүйг тогтоожээ

Монгол Улсын Ерөнхийлөгчийн Тамгын газрын дарга асан З.Энхболд эдийн засагч Л.Наранбаатарыг өөрийн нэр хүндэд халдсан, гүтгэсэн хэмээн үзэж шүүхэд гомдол гаргасан байдаг. Харин хуулийн байгууллагаас Л.Наранбаатарыг Ерөнхийлөгчийн Тамгын газрын дарга асан З.Энхболдыг гүтгэсэн хэмээн үзэж, хоёр сая төгрөгийн мөнгөн торгууль оноосон билээ.

Эл шийдвэрийг эдийн засагч Л.Наранбаатар эс хүлээн зөвшөөрч, шийтгэвэрийг цуцлуулах гомдлыг гаргаад байсан юм. 

Тэгвэл өчигдөр /2020.03.30/ Сүхбаатар дүүргийн Эрүүгийн хэргийн анхан шатны шүүхэд эдийн засагч Л.Наранбаатарын дээрх гомдлыг хэлэлцжээ. Шүүх бүрэлдэхүүн эдийн засагч Л.Наранбаатар нь Ерөнхийлөгчийн Тамгын газрын дарга асан З.Энхболдыг гүтгээгүй гэдгийг тогтоосон байна. Өөрөөр хэлбэл, хоёр сая төгрөгийн мөнгөн торгуулийг хүчингүй болгож шийдвэрлэжээ.