ӨРНИЙН ЗУРХАЙ: Арслангийнхан өөдрөг үзэлтэй болно

Хонь

Гэнэтийн үйл явдал, мэдээгээр дүүрэн өдөр. Таны зан авирыг урьдчилан таамаглах аргагүй. Ажил мэргэжил, бизнест хэт их сэтгэл хөдлөл бүү гарга. Атаархал, хорон муу санаа зэрэг чанаруудад бүү бууж өгөөрэй.

Үхэр

Төвлөр. Өөрийгөө сэргээ. Сэтгэл хөдлөлийн өөрчлөлт ирнэ. Өнөөдөр та харилцаагаа багасгаж, амар тайвныг сонго. Өдөр тутмын тулгамдсан асуудлуудыг шийдэх боломжтой. Мөрөөдөл нэмэгдэнэ. Сэтгэл ханамж хамгийн чухал.

Ихэр

Чухал өдөр. Гэхдээ сэтгэл санааны тэнцвэргүй байдал бий болж, сэтгэлийн хөдөлгөөн өөрчлөгдөж болзошгүй. Сөрөг сэтгэлийн хөдөлгөөнөөс гарах арга замыг хай. Зарим зүйлийг огт хайхрахгүй байхыг хичээ. Өвөрмөц, дурсамжтай зүйлд дуртай хүмүүсийг адал явдал хүлээж байна.

Мэлхий

Мэхлэлт, гүтгэлэг, дарамтаас үүдэлтэй сөрөг энергийг арилга. Нөхцөл байдал нь танаас зарчим шаардана. Бүх хүчээ дайчлан зарчмаа хамгаал. Нөхцөл байдлыг хүндрүүлж, чанга дуу хоолойгоор ярих хэрэггүй. Энэ нь таны эрүүл мэндэд сөрөг нөлөө үзүүлнэ. Өнөөдөр хол явахаа хойшлуулах нь дээр.

Арслан

Өнөөдөр сэтгэлийн хямрал арилна. Бие биеэ харилцан мэхлэх явдлаас холуур өнгөр. Эмэгтэйчүүд ганцаардана. Гэхдээ та түр зуурын бэрхшээлийг бүү тоо. Амьдралын ухаанд төвлөрснөөр амин чухал энергийг хуримтлуулж, өөдрөг үзэлтэй болно.

Охин

Гэр бүл болох, хайр сэтгэлээ илчлэх зэрэгт тун таатай өдөр. Эрч хүчтэй байна. Хувийн амьдралын чухал асуудлуудаа шийдэхэд таатай. Боломжоо ашиглахын сацуу эргэн тойрны хүмүүстээ дэмжлэг үзүүл. Худалдан авалт амжилттай болно.

Жинлүүр

Өнөөдөр та олон сайхан үг сонсоно. Өдрийн хоёр дахь хагаст бага зэрэг гуниглаж магадгүй. Цэцэн байх гэж хичээх нь хайртай хүнтэйгээ үл ойлголцоход хүргэж магадгүй учир өөртөө аль болох хяналт тавь.

Хилэнц

Дасгал хийх, шинэ ажил эхлэх, засвар хийхэд таатай өдөр. худалдааны ажилд амжилт олно. Ямар нэгэн зүйлийг эхлэх бол өнөөдөр л эхэл. Өдрийн хоёр дахь хагаст нозоорч магадгүй тул чухал ажлаа эрт амжуул. Танд үнэ цэнтэй хүнд бардам зан гаргах хэрэггүй.

Нум

Амьдралаа сайхан болгох бүхий л боломжоо ашигла. Тэвчээр, ухаан хоёр нь бодлогогүй үйлдэл хийхээс аврах гарц юм. Дотнын хүмүүстэйгээ хөөрөлдөж, хөгжилд. Эрчүүд орой эрч хүч буурна. Дарга, удирдлагатайгаа бүү марга. Эрүүл мэнддээ анхаарахгүй бол болохгүй. Гэнэтийн мэдээ, уулзалт нь таны төлөвлөгөөг өөрчилнө.

Матар

Эрч хүч нэмэгдэнэ. Та бодол санаагаа ариусга. Орой бүх зүйлийн тэнцвэрийг олно. Удаан хугацааны турш бодсон хүсэл мөрөөдлөө хэрэгжүүлж ч мэднэ. Дэмий хоосон зүйлээр бүү оролд. Өршөөл, өгөөмөр сэтгэлийг үзүүл.

Хумх

Өдрийн эхний хагаст эерэг хандлага ноёлно. Арилжааны ажил амжилтад хүрнэ. Хурал, уулзалтууд ойрын ирээдүйд бодит үр дүнгээ өгнө. Үдээс хойш та бүх зүйлд анхааралтай байгаарай. Аливааг нягталж, шалгах нь сүүлд нь урам хугарахаас аварна. Аялал, амралтаа төлөвлө. Өлөн явж болохгүй.

Загас

Романтик мэдрэмжийн төлөө өөрийгөө бүү умарт. Хэн нэгнийг мартах амаргүй байсан ч шинэ зүйл хийх цаг болжээ. Өөртөө анхаарал тавьж, спортоор хичээллэ. Найз нөхөдтэй бол.