ДОРНЫН ЗУРХАЙ: Үс засуулбал эд мал арвижна

2020.05.06 / ЛХАГВА ГАРАГ / БИЛГИЙН ТООЛЛЫН:14

ХАВРЫН АДАГ ЦАГААН ЛУУ САРЫН ДӨРВӨН НОГООН ШАРАГЧИН ТАХИА ӨДӨР

Үс засуулвал: Эд мал арвидна
Наран ургах, шингэх: 05.26-20.12
Барилдлага: Үл зохилдох   

Шүтэн барилдлага:Сэрэхүй   

Суудал: Шороо

Аргын тооллын 5 сарын 6, Буд гараг. Билгийн тооллын 14, Салхины эх одтой, шарагчин тахиа өдөр. Өдрийн наран 5 цаг 26 минутад мандан, 20 цаг 12 минутад жаргана. Тухайн өдөр үхэр жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр архи уух, тамхи татах, сэтгэл муутантай нөхөрлөх зэргийг цээрлэх хэрэгтэй ба лусыг тахих, хагалгаа хийлгэх, буг дарах, газрын ам бооход сайн. Мод суулгах, нарийн зөвлөгөөн хийх, сэтгэлд сэвтэй газар очих, байшингийн суурь тавих, угаал үйлдэхэд муу. Өдрийн сайн цаг нь хулгана, бар, туулай, морь, хонь, тахиа болой. Хол газар яваар одогсод баруун зүгт мөрөө гаргавал зохистой. Үс шинээр үргээлгэх буюу засуулбал эд, мал арвидна.