200 ширхэг нохойны үс хулгайлжээ

 Нийслэлийн хэмжээнд өнгөрөгч даваа гарагт хулгайн гэмт хэрэг гурав гарчээ. Эдгээр хэргийг цагдаагийн байгууллага шалгаж нэгнийх нь эзэн холбогдогчийг тогтоосон байна.Тухайлбал, энэ сарын 13-ны 16.00 цагийн орчимд Сонгинохайрхан дүүргийн XII хорооны нутаг дэвсгэрт байрлах чингэлэгт хулгай орсон талаарх мэдээллийн дагуу шалгажээ. Цагдаагийнхан шалгах явцдаа хэрэг энэ сарын 12-13-нд шилжих шөнө гарсан болохыг тогтоов. Гэмт этгээд нь "Веst shoes" компанийн эзэмшлийн чингэлгийн хаалгыг хөшиж, гутлын дотрын зориулалтаар бэлтгэсэн шаргал өнгийн 200 ширхэг нохойн үс, 500 хос хар өнгийн резинэн гутлын ул хулгайлжээ. Уг хэргийг Сонгинохайрхан дүүргийн цагдаагийн хэлтэст үргэлжлүүлэн шалгаж байна.

Эх сурвалж: Нийгмийн толь сонин