МАН-ын Удирдах зөвлөл хуралдана

МАН-ын Бага хурал яг одоо Тусгаар тогтнолын ордонд хаалттай хуралдаж эхэлсэн. Хуралдааныг УИХ-ын гишүүн, Шадар сайд Ө.Энхтүвшин даргалж байгаа юм.

Хурлаар намын дүрэм зөрчсөн, намын ажилд идэвхтэй оролцоогүй, хариуцлага алдсан гах шалтгаанаар 21 хүнийг Бага хурлын гишүүнчлэлээс хасаж, улмаар 13:30 цагт түр завсарласан юм. Одоогоор үргэлжлүүлэн хуралдаж эхлээгүй байна.  

Тэгвэл өнөөдөр /2020.05.16/ МАН-ын Удирдах зөвлөл хуралдахаар болжээ. Дараа нь МАН-ын Бага хурлын хуралдааныг үргэлжлүүлэхээр болсон байна.    

МАН-ын Бага хурлаар УИХ-ын 2020 оны ээлжит сонгуульд нэр дэвшин өрсөлдөх нэр дэвшигчдээ албан ёсоор тодруулах юм. Учир нь, хуульд зааснаар нам, эвслүүд өнөөдрийн дотор нэр дэвшигчдээ тодруулж, Сонгуулийн ерөнхий хороонд хүргүүлэх ёстой юм.