Спирт тээвэрлэж явсан автомашин шатлаа

Зургаан тонн спирт тээвэрлэж явсан УБТ 36-56 дугаартай ЗИЛ-130 ачааны автомашины арын хэсэг шатаж байсныг Аврах гал унтраах аравдугаар ангийнхан унтраасан байна. Автомашины галыг шуурхай унтраагаагүй бол дэлбэрч, тэсрэх аюултай байсныг Онцгой байдлын албаныхан хэлж байна. Машины жолооч 51 настай Т-ийн баруун гар түлэгдсэн тул түүнийг эмнэлэгт хүргэжээ. Мөн Дархан-Уул аймгаас 50 км-т Зүүнхараагаас Сүхбаатарын чиглэлд явж байсан УБТЗ-2503 дугаартай 2П116-1736 загварын ачааны галт тэрэгний толгойн хэсэгт гал гарсныг Аврах, гал унтраах 22 дугаар ангийнхан унтраасан байна.

Эх сурвалж: Үндэсний шуудан сонин