Хонконгийн Хууль тогтоох зөвлөлийн сонгуулийг хойшлуулах нь хууль ёсны, зайлшгүй шийдвэр

М.Тэнүүн | Zindaa.mn
2020 оны 08 сарын 04

- Хонконгт “Ковид-19” халдвар тархалт сүүлийн өдрүүдэд улам нэмэгдэж нэг өдрийн дотор батлагдсан тохиолдол 10 гаруй хоногийн турш тасралтгүй зуу давж байна-

Энэ хүнд нөхцөл байдлын улмаас онцгой бүс Хонконгийн Засаг захиргаанаас саяхан Хууль тогтоох зөвлөлийн 7-р сонгуулийг нэг жилээр хойшуулах шийдвэр гаргалаа. Халдварт өвчинтэй тэмцэж хүний амь насыг аврах нь өнөөдөр хамгийн чухал асуудал болоод байна. Сонгуулийн үйл ажиллагааны үеэр хэдэн сая иргэд бөөгнөрөн цуглардаг нь халдвар тархалтыг нэмэгдүүлэх өндөр эрсдэлтэй юм. Хонконгийн Засаг захиргаа халдвар тархалтын нөхцөл байдалд үндэслэн гаргасан нухацтай шийдвэрийг БНХАУ-ын Төв Засгийн газар бүрэн ойлгож мөн дэмжиж байна. Хонконгийн олонх иргэд мөн уг шийдвэрийг дэмжиж буйгаа илэрхийлсэн. Дэлхий дахинд “Ковид-19” халдвар дэгдсэнээс хойш 7 орчим улс орон, бүс нутаг улсын болон орон нутгийн сонгууль зохион байгуулах хугацаагаа хойшлуулсан байна.

Хонконгийн Засаг захиргаанаас гаргасан Хууль тогтоох зөвлөлийн сонгуулиа хойшлуулах шийдвэр нь олон улсын дүрэм, журамд нийцсэн шийдвэр. Хонконгийн “Онцгой байдлын дүрэм”-д зааснаар“ Засаг захиргааны тэргүүн болон Гүйцэтгэх зөвлөлөөс үүссэн нөхцөл байдлыг онцгой байдал эсвэл олон нийтийн аюулгүй байдалд хор хөнөөлтэй гэж үзвэл тэргүүн болон Гүйцэтгэх зөвлөл нь олон нийтийн ашиг сонирхолд нийцсэн аливаа дүрмийг гаргаж болно.” Иймээс Хонконгийн засаг захиргааны дээрх шийдвэр нь хуулийн бүрэн үндэслэлтэй.


Хонконг бол Хятад улсын засаг захиргааны онцгой бүс бөгөөд Хонконгийн онцгой бүсийн Хууль тогтоох зөвлөлийн сонгууль нь Хятад улсын орон нутгийн сонгууль юм. Энэхүү сонгуулийг хойшлуулах асуудал бол Хятад улсын дотоод хэрэг учир гаднын хүчин үүнд оролцох эрхгүй. Олон улсад зарим хүмүүс Хонконгтой холбоотой асуудал бүрийг шүүмжилж, хариуцлагагүй үг хэлж байгаа нь цэвэр “давхар стандарт” гаргаж буй хэрэг юм. БНХАУ-ын Төв Засгийн газар Хонконгийн халдварт өвчинтэй тэмцэх ажилд шаардлагатай бүхий л дэмжлэгийг үзүүлж, Хонконгийн улс төрийн тогтвортой байдал, эдийн засгийн хөгжил, ард түмний амар амгалан амьдралыг бататгах болно. Энэхүү сонгуулийг хойшлуулснаас үүдэн гарсан Хууль тогтоох зөвлөлийн “вакуум үе”-тэй холбоотой асуудлаар БХАТИХ-ын Байнгын хороо хуулийн дагуу шийдвэр гаргах бөгөөд гаргасан шийдвэр нь Хонконгийн Засаг захиргааны хэвийн үйл ажиллагаанд нөлөөлөхгүй. Мөн Хонконгийн иргэдийн ардчилсан эрх, эрх чөлөөнд хохирол учруулахгүй болно.

БНХАУ-аас Монгол Улсад суугаа Онц бөгөөд бүрэн эрхт Элчин сайд Цай Вэньруй

Сэтгэгдэл ( 2 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
matilda(197.234.221.154) 2020 оны 08 сарын 04

Сайн уу\nНамайг хатагтай Матилда ЛЕКУСТР гэдэг, би санхүүгийн чиглэлээр мэргэшсэн хүн.\nТанд зээл хэрэгтэй юу? Хэрэв хариулт нь тийм бол\nБуцах боломжтой хүмүүст зээл санал болгож байна\nБид 5000-5000.000 доллар эсвэл евро санал болгодог\nМанай зээлийн хүү жилд 2% байдаг\nБид танд дараахь газарт туслах боломжтой:\n* Хувийн зээл\n* Хөрөнгө оруулалтын зээл\n* Авто зээлийн\n* Ипотекийн зээл\n* Мөн бусад газрууд .....\nБидэнтэй цахим шуудангаар холбоо бариарай: matildalecoustre@gmail.com\nwhatsapp: 0033 7 52 89 40 37

0  |  0
Ss(126.74.194.204) 2020 оны 08 сарын 04

Hend handaj Mongold suugaa elchin ni iim medegdel hiine we. Songuuli hoishluulah ni medeej hyatadad ashigtai l daa. Nuguu huulia batalj heregjuulhed unuugiin udirdlaga ni heregtei.

0  |  0
Top