Ким Кардашиан Арменид нэг сая ам.доллар хандивлав

Реалити шоуны од, армен-америк гаралтай Ким Кардашиан Арменид нэг сая ам.доллар хандивлажээ. Эцгийнхээ талаас армен гаралтай Ким Инстаграм хуудсаараа дамжуулан дагагчдаа мөн хандивд нэгдэж, хамгийн амжилттай хандивын үйл ажиллагаа болгохыг уриалсан байна.

Ким Кардашиан Армен болон Арцахт болж байгаа мөргөлдөөний талаар олон хүнтэй ярилцсан бөгөөд хямралыг цаашид үргэлжлүүлж болохгүй гэжээ. Түүний ийнхүү хандив өргөснийг хүмүүс өндрөөр үнэлж, магтсан сэтгэгдэл хөвөрч байгаа гэнэ.

Кимийн өгсөн хандивыг дайны халуун цэгт байгаа хүмүүст хүмүүнлэгийн тусламж үзүүлэхэд зориулах аж.