Г.Ёндон “Монголросцветмет” дансанд сургалтын төлбөрийг буцаан шилжүүлжээ
.jpg)
Уул уурхай, хүнд үйлдвэрийн сайд Г.Ёндон “ГЁТЕ” дунд сургуульд сурдаг хоёр хүүхдийнхээ сургалтын төлбөрийг “Монголросцветмет” ТӨҮГ-аар төлүүлсэн баримт ил болсон.
Г.Ёндон нь 2018 оноос “Монголросцветмет” ТӨҮГ-ын үйлдвэрлэл эрхэлсэн орлогч захирлаар ажиллаж байсан бөгөөд 2020 оны долоодугаар сарын 08-нд Уул уурхай, хүнд үйлдвэрийн сайдаар томилогдсон юм. Тэгвэл тэрбээр “Монголросцветмет” ТӨҮГ-ийн дансанд сургалтын төлбөртэй тэнцэх хэмжээний мөнгийг буцаан шилжүүлжээ.
Энэ асуудлаас үүдэн Г.Ёндонг сайдын суудлаас огцорч, сургалтын төлбөрийг буцаан төлөх ёстой гэдэг шүүмжлэл өрнөж эхэлсэн.
Харин Г.Ёндон "Өөрийгөө буруу зүйл хийсэн гэж бодохгүй байна, байгууллагын дотоод журам, хөдөлмөрийн гэрээний дагуу зохицуулагдсан зүйл" хэмээн тайлбар өгч байсан юм.
Энэ талаар ЗГХЭГ-ын дарга Оюун-Эрдэнэ тайлбарлахдаа "Г.Ёндон сайд болохоос өмнө байгууллагын дотоод журмын дагуу сургалтын төлбөрийг төлүүлсэн юм билээ" гэх тайлбарыг өгсөн.
Тэгвэл Г.Ёндон “Монголросцветмет” ТӨҮГ-аар төлүүлсэн хоёр хүүхдийнхээ сургалтын төлбөр болох 10 сая 700 мянган төгрөгийг “Монголросцветмет” ТӨҮГ-ийн дансанд буцаан шилжүүлжээ.
Холбоотой мэдээ
Сэтгэгдэл ( 8 )
Ямартай ч буруу үйлдэл хийснээ хүлээн зөвшөөрсөн байхад сайдын суудалд залрах нь хэтийдсэн хэрэг биз ээ. Шудрагын сэлмээ сугалсан Ерөнхий сад маань нэгийг тунгааж байгаа болов уу?
ХАР НОВШ. АЖЛААС НЬ ХАЛАХ БҮРЭН ҮНДЭСЛЭЛТЭЙ. ХАНАЖ ЦАДДАГГҮЙ гахай.
Төрийн сайд шуналтай байна гэдэг нэг л биш ээ нэг л юм хэлээд байна даа. Хэрэгт ороогүй дээрээ огцорчихвол яасан юм бэ дээ?
Гуцалгүй огцроо буцааж шилжүүлэх ялыг чинь хөнгөлөхгүй ээ
Улсын мөнгийг авчихсан байхад яадаг юм бэ. Зүгээр ш дээ. Нэхвэл эргүүлээд л өгчихнө биз. Нэхэхгүй бол чимээгүй авчихна. Тэгээд л болоо гэх маягаар л төрийн албаныхан боддог болохоор муу жишиг тогтохоор болж байх шиг байнаа даа
shunal
одоо бадамсүрэнгээр хүүхдийнх нь сургалтын төлбөр, машин, массажны сандлын үнийг буцаан төлүүлэх хэрэгтэй
овоо доо. ёс суртахууны шинэ кодекс.