Банкууд ажиллахад бэлэн, УОК-ын шийдвэрийг хүлээж байна

Банкны үйл ажиллагааны талаар Монголбанкны ерөнхийлөгч Б.Лхагвасүрэн мэдээлэл өглөө. 

Тэрбээр “Банкны цахим гүйлгээ хэвийн явагдаж байгаа. Бүгд цахимаар явж байна. Картын гүйлгээ, их дүнтэй болон гурван саяас бага дүнтэй гурван төрлийн гүйлгээ хэвийн явж байгаа. Дээрээс нь 73 мянган ПОС машин, бэлэн мөнгөний 4000 ATM бүгд ажиллаж байна. 

Хөл хорио тогтоосноос хойш өдөр бүр дунджаар 28,700 иргэн ATM-ээс нийт 2.6 тэрбум төгрөг авсан байна. Харин банк онгойж ажиллахын тулд УОК-оос зөвшөөрөл хүлээж байгаа. Банкууд тодорхой салбаруудаа нээж ажиллуулахаар халдвар хамгааллыг дэглэмийг хангаад байгаа" гэв.