Монголбанкны худалдан авсан үнэт металл 21 тоннд хүрчээ

З.Тэмлүүн | Zindaa.mn
2020 оны 12 сарын 02

Монголбанк 2020 оны 11 дүгээр сард 1.7 тн үнэт металл худалдан авлаа.

Он гарснаас хойш өссөн дүнгээр нийт 21 тоннд хүрсэн нь өмнөх оны мөн үеэс 6.5 тн-оор өсөөд байгаа бөгөөд нийт худалдан авсан үнэт металлын 19.3 тн нь алт, 1.7 тн нь цагаан мөнгө юм. Орон нутаг дахь үнэт металлын худалдан авалтын хувьд мөн сард Дархан-Уул аймаг дахь Монголбанкны хэлтэс 106.5 кг, Баянхонгор аймаг дахь Монголбанкны салбар 98.7 кг авч,  он гарснаар нийт дүн 1.8 тоннд хүрээд байна.

Монголбанкны 1 грамм алт худалдан авах дундаж үнэ 2020 оны 11 дугаар сард 170,810.51 төгрөг байлаа.
 

Сэтгэгдэл ( 1 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
ЭЗ шинжээч (202.9.46.141)  2020 оны 12 сарын 02

Хурдан хурдан зарахгүй бол алт үнэ унана шүү.Техник шинжилгээ фжхдаменталиас илүү үнэн байдаг.

0  |  0
Top