"Оюу Толгой" компанид 649.4 тэрбум төгрөгийн нөхөн татвар, торгууль, алданги ногдуулжээ

Э.Мөнхжин | Zindaa.mn
2020 оны 12 сарын 25

Монгол Улсын Татварын албанаас “Оюу Толгой” ХХК-д дөрөв дэх удаагийн хяналт шалгалтыг хийжээ. Уг шалгалтаар 2016-2018 оны санхүүгийн жилүүдийг хамруулан, шалгахад зөрчил илэрч, татвар нөхөн төлүүлэх акт үйлджээ.

Тодруулбал,  “Оюу Толгой” ХХК-д нийт 649.4 тэрбум төгрөгийн нөхөн татвар, торгууль, алданги ногдуулж, ирээдүйд шилжүүлэх алдагдлын дүнг 3.4 их наяд төгрөгөөр бууруулахаар шийдвэрлэсэн акт үйлдсэн байна.

Сануулахад, 2019 оны тавдугаар сарын 29-ний өдөр УИХ-ын  Эдийн засгийн байнгын хорооны хуралдаанаар  “Оюутолгой ордыг ашиглах хөрөнгө оруулалтын гэрээний хэрэгжилтийг шалгаж, санал, дүгнэлт гаргах үүрэг бүхий”  Ажлын хэсгийн тайланг сонсоход татвартай холбоотой анхаарал татсан зүйлс байсан.

“Оюу Толгой” ХХК-ийн татварын ачаалал нь Монгол Улсын эдийн засаг дахь татварын ачааллаас 5 орчим хувиар бага байгаагийн дээр 2018 оны байдлаар татварын хөнгөлөлт 1.5 дахин, зардал буюу ирээдүйд шилжүүлэн тооцох алдагдал 12.8 дахин өссөн гэж Сангийн яамны тооцооллоор гарсан гэж байв.



 

Сэтгэгдэл ( 4 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
kanad mahchin luhaan(64.119.24.110) 2020 оны 12 сарын 25

tsereg tagnuul telviz ih huralig hudaldaad avtsan gejagamda

0  |  0
иргэн(49.0.212.1) 2020 оны 12 сарын 25

Түнш түншийнхээ өмнө худалч байвал юу болох, эх орондоо оруулж ирмээргүй эд байж.

0  |  0
зочин (202.9.46.166) 2020 оны 12 сарын 25

заавал аваарай. өгөхгүй бол ард түмэн жагсах болно

0  |  0
зочин (103.57.93.202) 2020 оны 12 сарын 25

авах ёстой зүйлээ заавал авах л хэрэгтэй дээ

1  |  0
Top