ДОРНЫН ЗУРХАЙ: Үс засуулбал сүлд тэнэж одно
2021.01.12 / МЯГМАР ГАРАГ / БИЛГИЙН ТООЛЛЫН 29
ӨВЛИЙН ДУНД ШАР ХУЛГАНА САРЫН ТАВАН ШАР ЦАГААН БИЧ ӨДӨР
- Үс засуулвал: Сүлд тэнэж одно
- Наран ургах, шингэх: 08.39-17.22
- Барилдлага: Үхэх
- Шүтэн барилдлага: Авахуй
- Суудал: Ус
Аргын тооллын 1 сарын 12, Ангараг гараг. Билгийн тооллын 29, Суулга одтой, цагаан бич өдөр. Өдрийн наран 8 цаг 39 минутад мандан, 17 цаг 22 минутад жаргана. Тухайн өдөр хулгана, луу жилтнээ аливаа үйлийг хийхэд эерэг сайн ба бич, тахиа жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр элдэв үйлд хянуур хандах хэрэгтэй ба ан, гөрөө хийх, мал, адгуус муулах, сүм дуганыг сэргээх, бүжиг наадам хийх, цэцэрлэг байгуулах, хур оруулах, дархны үйлд сайн. Хувцас эсгэх, шинэ хувцас өмсөх, зөвлөгөө хийх, гөлөг тэжээхэд муу. Өдрийн сайн цаг нь хулгана, үхэр, луу, могой, хонь, нохой болой. Хол газар яваар одогсод зүүн зүгт мөрөө гаргавал зохистой. Үс шинээр үргээлгэх буюу засуулахад тохиромжгүй.
Холбоотой мэдээ
Сэтгэгдэл ( 0 )