Д.Амарбаясгалан: Шинэ УИХ-ын бүрэн эрхийн хугацаан дахь ГОЛ ХУУЛЬ батлагдлаа

З.Тэмлүүн | Zindaa.mn
2021 оны 01 сарын 15

УИХ-ын чуулганы өнөөдрийн /2021.01.15/ хуралдаанаар Монгол Улсын шүүхийн тухай хуулийн шинэчилсэн найруулгын төсөл болон хамт өргөн мэдүүлсэн хуулийн төслүүдийг эцэслэн баталсан билээ. Шүүхийн тухай хууль батлагдсантай холбогдуулан МАН-ын Ерөнхий нарийн бичгийн дарга Д.Амарбаясгалан байр сууриа илэрхийлжээ.

Д.Амарбаясгалан: 

-МАН 2020 оны УИХ-ын сонгуульд оролцохдоо шударга ёсны засаглал бий болгох амлалтыг ард түмэндээ өгсөн билээ. Тэгвэл энэ амлалтаа биелүүлэх, Монгол Улсад шударга ёсыг бий болгох, иргэн бүр шударга шүүхээр шүүлгэх эрхийг хангах Шүүхийн тухай хуулиа дөнгөж сая УИХ дийлэнх олонхиор эцэслэн баталлаа.

Шүүхийн тухай хууль бол 2020 оны сонгуулиар бүрдсэн УИХ-ын бүрэн эрхийн хугацаан дахь тогтолцооны шинэчлэлийг хийх хамгийн гол хуулиудын нэг юм.

Эрх зүйт төрийн үндсэн зорилго нь шүүхийн хараат бус байдлыг хангах замаар хүний эрх, эрх чөлөөг хамгаалах явдал учраас Шүүхийн шинэчлэлийн үндсэн зорилго үүнд чиглэж байна. Тэгвэл энэ зорилгыг хангахад шүүхийн томилгоо чухал нөлөөтэй байдаг.

Тийм учраас Шүүхийн тухай хуулинд бүх шатны шүүхийн томилгоонууд дахь тодорхой субьектийн нөлөөлөл, улс төрийн болон бусад ашиг сонирхлыг арилгах, шүүхийг мерит зарчмаар томилон бүрдүүлж хараат бус, хариуцлагатай шүүх тогтолцоог бий болгох, Шүүхийн ерөнхий зөвлөл, Сахилгын хороог улс төрөөс хараат бус, мэргэжлийн байх зарчмаар сонгон бүрдүүлэхээр зааж өгсөн юм.

Монгол Улсад шударга ёсыг бий болгох үйлсэд сэтгэл гарган оролцож, Монгол Ардын Намд итгэл хүлээлгэсэн сонгогч түмэндээ, хуулийн төсөлд саналаа өгсөн, гар бие оролцсон залуучууд, иргэний нийгмийн байгууллагынхан, эрдэмтэн судлаачид, улс төрийн намууд, УИХ-ын гишүүддээ чин сэтгэлийн талархал дэвшүүлье!

Монгол Улсад шударга ёс тогтож, Монгол төр мандан бадрах болтугай!

Сэтгэгдэл ( 2 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
zz(64.119.27.11) 2021 оны 01 сарын 15

chi hogiin shaar chi hezeech une yardaggui chi zugeer l zail chi nadtai yarmaar baival 99115070 geed zalgaarai hovshoo

0  |  0
Хогын царайт(66.181.190.204) 2021 оны 01 сарын 15

ЖДҮЧИН амарбаясгалан далд оор

0  |  0
Top