МАН: Ерөнхийлөгчийн санаачилсан өрх бүрд нэг сая төгрөг олгох төслийг хэлэлцэхийг дэмжжээ
УИХ дахь МАН-ын бүлэг өнөөдөр /2021.01.18/ цахимаар хуралдаж, хоёр асуудал хэлэлцлээ. Цахим хуралдааныг Бүлгийн дарга Д.Тогтохсүрэн даргалж, хуралдааны эхэнд Монгол Улсын Ерөнхийлөгч Х.Баттулгаас УИХ-д өргөн барьсан “Өрх бүрд нэг сая төгрөг”-ийн тэтгэлэг олгох бодлого, арга хэмжээг хэрэгжүүлэх “Коронавируст халдварын цар тахлаас үүдэлтэй амьдралын доройтол, нийгэм, эдийн засгийн бэрхшээлийг даван туулах онцгой арга хэмжээний тухай” УИХ-ын тогтоолын төслийг авч хэлэлцлээ.
Бүлгийн гишүүд уг тогтоолын талаар санал бодлоо хэлж, гишүүдийн олонх нь холбогдох байнгын хороогоор хэлэлцүүлж, ярих нь зүйтэй гэж үзлээ.
Хоёрдугаарт, МАН-ын бүлэг яамдын хэрэгжүүлэх бодлого, арга хэмжээний талаархи танилцуулгыг шат дараатай сонсч, санал бодлоо хэлж байгаа. Энэ хүрээнд Соёлын сайд С.Чулуун өнөөдөр яамны хэрэгжүүлэх бодлогын зорилт, хөрөнгө оруулалт, салбарын томоохон төслүүдийн талаар танилцуулсан юм. Тодруулбал, “Алсын хараа-2050” урт хугацааны хөгжлийн бодлогын зорилтод тулгуурлан Төрт ёсны уламжлал, түүх, соёлын дурсгал, утга зохиол, урлагийн бүтээлээр Үндэсний бахархал төлөвшүүлж, эх оронч үзэл, эв нэгдлийг нэвтрүүлнэ. Мөн Засгийн газрын 2020-2024 оны үйл ажиллагааны хөтөлбөрийн хүрээнд “Бүх нийтийн соёлын боловсрол” , “Цахим соёл”, “Монгол ба дэлхий дахин” хөтөлбөрүүдийг шинээр боловсруулж хэрэгжүүлэхээр тусгажээ. Харин өмнөх хэрэгжүүлж байсан төсөл хөтөлбөрүүдээс “Монгол уран бүтээл” /2015-2025/, “Соёлын биет бус өвийг хамгаалах” /2019-2023/, “Баримтат өвийг хамгаалах” /2014-2024/ төсөл хөтөлбөрүүдийг үргэлжлүүлэн хэрэгжүүлэх юм байна.
Түүнчлэн Соёлын тухай хуулийн шинэчилсэн найруулга, Кино урлагийг дэмжих тухай, Музейн тухай хуулийн төслүүлийг хэлэлцэн баталснаар салбарын эрх зүйн орчин сайжирч, үйл ажиллагаанд өндөр ач тустайг салбарын сайд онцоллоо. Мөн бодлогын зорилтод тулгуурлан Үндэсний болон сонгодог урлагийн мэргэжлийн ур чадвар бүхий нарийн мэргэжлийн боловсон хүчнийг бэлтгэх, тэтгэлэг дэмжлэг олгох, төр олон нийтийн түншлэлийн харилцааг өргөжүүлж, урлаг уран бүтээлийг хөгжүүлэх зорилгоор олон төсөл хөтөлбөрийг хэрэгжүүлэхээр үйл ажиллагааны хөтөлбөрт тусгажээ.
Тэгвэл олон улсад зохион байгуулах эвэнтийн тухайд Дэлхийн соёлын сайд нарын чуулга уулзалтыг 2022 онд Монгол Улсад зохион байгуулна. Хүннү болон Монголын эзэнт гүрний түүхийг сурталчлах “Нүүдэлчдийн эзэнт гүрэн” үзэсгэлэнг Европын холбооны улсуудад аялуулах аж.
Соёлын салбарын томоохон бүтээн байгуулалтаас авч үзвэл, “Чингис хаан” хаад, язгууртны музей, Байгалийн түүхийн музей, Үндэсний номын сан, Үндэсний урлагийн их театр, Хөвсгөл нуур музей, соёл мэдээллийн төв, Хүүхдийн номын сан, хүүхдийн театр байгуулахаар тусгаснаа танилцуулав.
Холбоотой мэдээ
Сэтгэгдэл ( 9 )
МАН ын бүлгийн гишүүд минь тэтгэвэрийн доод хэмжээг 500 мянга болгож өгөөчээ Ахмадууд чинь та нарт итгэж саналаа өгсөн шүү 300 мянга эмэндээ ч хүрэхгүй бна
Хамгийн их хүссэнд нь төрийн жолоог бүү атгуул гэсэн их эзэн Богд, Чингис хааны маань нэг гэрээслэл байдаг юм!? Овилгогүй хүн өөрийн өчүүхэн эрх ашгийн төлөө юү ч хийхээс буцдаггүй юм шиг байгаамаа!? Сая төгрөг бол нэг өрхийн идээд уугаад л дуусах хэдхэн өдрийн л гарыг ая даах мөнгө!? Харин эх орон ард түмэн бол мөнхөд оршвол зохих хамгийн үнэт баялаг хэзээч мөхөшгүй байх хамгийн үнэлж баршгүй зүйл!? Зөвхөн үүнийг л сахин хамгаалахын төлөө төр байдаг гэдгийг л мартаж болошгүй асуудал!?
Хамгийн их хүссэнд нь төрийн жолоог бүү атгуул гэсэн их эзэн Богд, Чингис хааны маань нэг гэрээслэл байдаг юм!? Овилгогүй хүн өөрийн өчүүхэн эрх ашгийн төлөө юү ч хийхээс буцдаггүй юм шиг байгаамаа!? Сая төгрөг бол нэг өрхийн идээд уугаад л дуусах хэдхэн өдрийн л гарыг ая даах мөнгө!? Харин эх орон ард түмэн бол мөнхөд оршвол зохих хамгийн үнэт баялаг хэзээч мөхөшгүй байх хамгийн үнэлж баршгүй зүйл!? Зөвхөн үүнийг л сахин хамгаалахын төлөө төр байдаг гэдгийг л мартаж болошгүй асуудал!?
Хамгийн их хүссэнд нь төрийн жолоог бүү атгуул гэсэн их эзэн Богд, Чингис хааны маань нэг гэрээслэл байдаг юм!? Овилгогүй хүн өөрийн өчүүхэн эрх ашгийн төлөө юү ч хийхээс буцдаггүй юм шиг байгаамаа!? Сая төгрөг бол нэг өрхийн идээд уугаад л дуусах хэдхэн өдрийн л гарыг ая даах мөнгө!? Харин эх орон ард түмэн бол мөнхөд оршвол зохих хамгийн үнэт баялаг хэзээч мөхөшгүй байх хамгийн үнэлж баршгүй зүйл!? Зөвхөн үүнийг л сахин хамгаалахын төлөө төр байдаг гэдгийг л мартаж болошгүй асуудал!?
Монголын дайснууд Монголын асуудлаар хуралдсан юм биз дээ.
Saya tugrugnii chin halhavchin door Chuluun saidiin chin mongoliin uviig hyatadad hudaldsan bulhai nuugdah geed bna uu!!!! Yagaad ene 2 asuudaliig zereg taviad bgaa ni ard tumnii tolgoig munguur huurj 1 bulhaigaa darah geed bnuudaa. Ene undesnii tusgaar togtnoltoi holbootoi asuudal shuu!!! Ug bichveriig tungaaj oilgoj unshaarai tumen olon minee!!!
Үнэ төлбөргүй вакцин дийлэхгүй бол зарим мөнгөөр нь сайн дурын вакцинд хамруулаад өгөөч. Цөөн вакцин үүргийн онгоцоор орулж ирээд өөрсдийгөө хамруулчихсан уу? Тийм болоод тайвширчихсан юм биш биз?
bayrlaalaa mash heregtei bna
Хурдхан 1 сая төгрөгөө тараад эдийн засгийн эргэлтээ хурдан хиймээр байна. Хаа сайгүй л мөнгөгүй болсон жижиг дунд бизнесүүд хаалгаа барих шахам байна. Ажилчдынхаа цалин хөлсийг тавьж чадахгүй хэцүү байна. Ажилах хүн олдохгүй байна. Цалин хөлсөө тавьж чадахгүй газруудад хүн ажилахгүй байна. Яагаад гэвэл энд тэнд мөнгөгүй болсон хүмүүс цалин хөлсөө тавьж чадахгүй байна шүү дээ