ДОРНЫН ЗУРХАЙ: Үс засуулбал өвчин эмгэг ирнэ

2021.1.25, ДАВАА ГАРАГ / БИЛГИЙН ТООЛЛЫН 12

ӨВЛИЙН АДАГ ШАРАГЧИН ҮХЭР САР НЭГ ЦАГААН МЭНГЭТЭЙ ХАРАГЧИН ТАХИА ӨДӨР

• Аргын тооллын: 2021.1.25, Даваа гараг
• Наран ургах шингэх: 8.28-17.41
• Үс засуулбал: Өвчин эмгэг ирнэ
• Барилдлага: Үл зохилдох
• Шүтэн барилдлага: Өтлөх үхэхүй

Тухайн өдөр нохой, хонь жилтнээ аливаа үйлийг хийхэд эерэг сайн. Өдрийн сайн цаг нь хулгана, бар, туулай, морь, хонь, тахиа болой. Эл өдөр андгай тангаргаас няцах, дайсныг номхруулах үйлд сайн. /муу найз нөхрөөс холдож салахад ээлтэй өдөр/ эд хураах, номын өглөг өгөх, угаах, гадагш эд өгөхөд сайн. Зүүн нүд татвал хувцас олдох, баруун нь бол элчтэй учрах, хөл тагнай татвал өөрийн гэрт үзэсгэлэн болох, бие татвал бурханыг дурьдахуй болой.