ДОРНЫН ЗУРХАЙ: Үс засуулбал жаргал ирнэ

2021.1.26, МЯГМАР ГАРАГ / БИЛГИЙН ТООЛЛЫН: 13

ӨВЛИЙН АДАГ ШАРАГЧИН ҮХЭР САР ЕСӨН УЛААН МЭНГЭТЭЙ ХӨХ НОХОЙ ӨДӨР

• Аргын тооллын: 2021.1.26, Мягмар гараг
• Наран ургах шингэх: 8.27-14.42
• Үс засуулбал: Жаргал ирнэ
• Барилдлага: Үхэх
• Шүтэн барилдлага: Тийн мэдэхүй

Тухайн өдөр могой, морь, гахай, хулгана жилтнээ аливаа үйлийг хийхэд эерэг сайн ба бич, тахиа жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Өдрийн сайн цаг нь бар, луу, могой, бич, тахиа, гахай болой. Эл өдөр амь таслах, хор найруулах үйлнээ зэрэгчлэн бүтнэ, эм засал хийлгэх, авшиг авах, бэрийн үйл, дайсныг дарахад болон хуран чуулах, үс угаахад сайн. Зүүн нүд татвал хувцас олдох, баруун нүд татвал тэмцэл болох, баруун чих хангинавал сайн, зүүн нь хангинавал өчүүхэн нэгнийг үзэх, тагнай загатнах, бие татвал үзэсгэлэн болох, хөлийн шөрмөс татвал үг, асуулт болно.