Агуулга, хэлбэрийг ялгахаа байсан АН ээлжит шоугаа хийж, ЗАВСАРЛАГА авлаа

Цар тахлын эрсдэл Монгол Улсын иргэн нэг бүрийн өмнө тулж ирсэн энэ үед төр засаг бүрэн бүтэн байж, тулгамдсан гол асуудлуудыг нэн яаралтай шийдвэрлэх шаардлагатай байгаа билээ.

Гэтэл УИХ дахь АН-ын бүлэг Ерөнхий сайдыг томилох асуудалд тун хариуцлагагүй байдлаар буюу  МАН-ыг бойкотлох байдлаар хандаж байна. Монголын улс төрийн тулхтай нам гэгдэж явсан АН үнэндээ агуулга, хэлбэрийг ялгахаа байж, үзэл баримтлал, үнэт зүйлээ гээсэн нь УИХ дахь АН-ын бүлгийн өнөөдрийн байр сууриас тод харагдаж байна.

Цар тахлаас иргэдээ хэрхэн яаж баталгаатай, найдвартай хамгаалах вэ, вакциныг хэрхэн яаж богино хугацаанд оруулж ирэх вэ гэхчлэн чухал асуудлуудаар МАН-тай ойлголцлоо нэгтгээд урагшилж байх ёстой АН-ынхан төв талбай дээр сайн дураараа өлсөн суугаа С.Ганбаатарыг балиашиглаж, улсынхаа Ерөнхий сайдыг томилох чуулганы хуралдаанаас 1 цагийн завсарлага авна гэж жүжиглэх, шоу үзүүлэх шаардлага үнэндээ өнөөдөр алга байна.

У.Хүрэлсүх Монгол Улсын Ерөнхий сайдын үүрэгт ажлаас  огцрох хүсэлтээ гаргасан нь цар тахлын өндөр эрсдэлтэй байгаа энэ цаг үед Монголынхоо  ард түмнийг, улсынхаа эрх ашгийг нэгдүгээрт эрэмбэлсэн шийдэмгий алхам байсан нь өнөөдөр улам бүр тодорхой болж байна шүү дээ.

Улс төрийн нөхцөл байдал, эрх мэдлээс болж, өөр хоорондоо яс булаалдсан нохой мэт хэмлэлдэх нь Монгол Улсад ихээхэн гарз дагуулж болзошгүй байгааг тэр харсан учраас танхимаараа огцрох хүсэлтийг гаргаж, ялалт байгуулсан намын даргын хувиар дараагийн Ерөнхий сайдаар Лувсаннамсрайн Оюун-Эрдэнийг томилуулах санал гаргасан нь намын бүлэг, УЗ-ийн зөвлөлийн дэмжлэгийг өнгөрсөн долоо хоногт авсан.

Харин өнөөдөр өглөө Ерөнхийлөгч Халтмаагийн Баттулга Лувсаннамсрайн Оюун-Эрдэнийг Монгол Улсын Ерөнхий сайдаар томилох саналаа УИХ-ын дарга Г.Занданшатарт албан бичгээр хүрүүлснээр хууль тогтоох дээд байгууллага хэлэлцэж буй билээ. Гэтэл УИХ-д АН-ыг төлөөлж буй хэдэн нөхөд улсаа, иргэдээ бус өөрсдийгөө бодон шоу хийсээр л.