19 бүтээлд патент олгожээ

Оюуны өмчийн газрын мэдээллээр улсын хэмжээнд 2021 оны нэгдүгээр сард шинэ бүтээл болон бүтээгдэхүүний загварын патент авахаар 25 иргэн, хуулийн этгээд мэдүүлэг гаргасан нь өмнөх оны мөн үеэс 8-аар буюу 24.2 хувиар буурсан байна.

Иргэн, хуулийн этгээдээс нэгдүгээр сард ирүүлсэн 19 бүтээлд патент олгосны 9 нь шинэ бүтээлийнх, 10 нь бүтээгдэхүүний загварынх байгаа нь өмнөх оны мөн үеэс шинэ бүтээлийн патент 7 (43.8%)-оор, бүтээгдэхүүний загварын патент 7 (41.2%)-гоор тус тус буурчээ. 

Шинэ бүтээлд олгосон патент (давхардсан тоогоор)-ыг олон улсын ангиллаар авч үзэхэд 6 нь хүний хэрэгцээг хангах зүйл, 4 нь физик, 2 нь механик инженер, гэрэлтүүлэг, халаалт, зэвсэг, тэсрэх бодис, 4 нь бусад ангилалд хамаарч байна.

Бүтээлээ зохиогчийн эрхээр хамгаалуулахаар нэгдүгээр сард 45 иргэн, хуулийн этгээд мэдүүлэг гаргасан нь өмнөх оны мөн үеэс 35-аар буурчээ.