ДОРНЫН ЗУРХАЙ: Үс засуулбал жаргал ирнэ

2021.02.25 / ПҮРЭВ ГАРАГ / БИЛГИЙН ТООЛЛЫН 13

ХАВРЫН ТЭРГҮҮН ЦАГААН БАР САРЫН ЗУРГААН ЦАГААН ХӨХ ЛУУ ӨДӨР

• Үс засуулвал: Жаргал ирнэ
• Наран ургах, шингэх: 07.41-18.30
• Барилдлага: Үл зохилдох   
• Шүтэн барилдлага: Нэр өнгө   
• Суудал: Гал

Аргын тооллын 2 сарын 25, Бархасвадь гараг. Билгийн тооллын 13, Үнэг одтой, хөх луу өдөр. Өдрийн наран 7 цаг 41 минутад мандан, 18 цаг 30 минутад жаргана. Тухайн өдөр хулгана, бич жилтнээ аливаа үйлийг хийхэд эерэг сайн ба үхэр, луу, хонь, нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр архи уух, тамхи татах, сэтгэл муутантай нөхөрлөх зэргийг цээрлэх хэрэгтэй ба угаал үйлдэх, бороо хур оруулах, зэтгэрийг номхотгох, хөгжмийн зэмсэг урлахад сайн. Гүүр тавих, газар ухах, гөлөг тэжээхэд муу. Өдрийн сайн цаг нь бар, луу, могой, бич, тахиа, гахай болой. Хол газар яваар одогсод зүүн урагш мөрөө гаргавал зохистой. Тэрсүүд өдөр. Үс шинээр үргээлгэх буюу засуулбал жаргал ирнэ.