II тунд хамрагдсан иргэдийн 37 хувь нь 14-өөс дээш хоножээ

Эрүүл мэндийн яамнаас өгсөн коронавирусний халдварын нөхцөл байдлын өнөөдрийн (2021.06.08) ээлжит мэдээллийн үеэр ковидын эсрэг вакцинжуулалтын талаар дараах мэдээллийг өглөө.

МОНГОЛ УЛСЫН ДАРХЛААЖУУЛАЛТЫН ТАЛААРХ МЭДЭЭЛЭЛ

(2021.06.07, 19:00 цагийн байдлаар)

Улсын хэмжээнд 18-аас дээш насны 2 сая 67 мянган иргэнийг бүрэн вакцинд хамруулах зорилтыг Засгийн газар тавин, Эрүүл мэндийн яам хэрэгжүүлэн ажиллаж байна.

Сүүлийн 24 цагт Улаанбаатар хот болон хөдөө орон нутагт 21.583 хүн дархлаажуулалтад хамрагдсан байна. Үүнээс Улаанбаатарт хотод 7996, хөдөө орон нутагт 13587 хүн дархлаажуулалтад хамрагджээ.

Вакцинжуулалтын өссөн дүнгээр аваад үзвэл,

Улсын хэмжээнд
 

• 1-р тунд - 1.875.003 хүн
• 2-р тунд - 1.561.698 хүн

Улаанбаатар хотод
 

• 1-р тунд - 957.838 хүн (100%-руу дөхөж байна.)
• 2-р тунд - 812.503 хүн (85%)

Орон нутагт нийтдээ 1.1 сая хүн вакцинд хамрагдах ёстой. Үүнээс,
 

• 1-р тунд - 917.165 хүн
• 2-р тунд - 749.995 хүн (67%)

Улсын хэмжээнд хоёрдугаар тунд хамрагдсан иргэдийн 14-өөс дээш хоносон нь 37 хувьтай байна. Энэ нь сүргийн дархлаа тогтох хэмжээнд хүрээгүй байгаа учраас иргэд та бүхэн халдвар хамгааллын дэглэмээ зайлшгүй баримтлах шаардлагатайг ЭМЯ-аас анхааруулж байна. Түүнчлэн вакцинд хамрагдсан иргэдийг насны бүлгээр нь авч үзвэл 18-34 насныхны идэвх муу буюу 81-87 хувьтай байна.