ВАКЦИН: Улсын хэмжээнд хоногт 1.667.849 хүн бүрэн тунгаа авлаа

Эрүүл мэндийн яамнаас өгсөн коронавирусний халдварын нөхцөл байдлын өнөөдрийн (2021.06.16) ээлжит мэдээллийн үеэр ковидын эсрэг вакцинжуулалтын талаар дараах мэдээллийг өглөө.

МОНГОЛ УЛСЫН ДАРХЛААЖУУЛАЛТЫН ТАЛААРХ МЭДЭЭЛЭЛ

(2021.06.15, 19:00 цагийн байдлаар)

Улсын хэмжээнд 18-аас дээш насны 2 сая 67 мянган иргэнийг бүрэн вакцинд хамруулах зорилтыг тавин, 2021 оны хоёрдугаар сарын 23-аас хойш дархлаажуулалтыг эхлүүлсэн.

Сүүлийн 24 цагт Улаанбаатар хот болон хөдөө орон нутагт 12.415 хүн дархлаажуулалтад хамрагдлаа. Үүнээс Улаанбаатар хотод 4613, орон нутагт 7802 хүн дархлаажууалтад хамрагдсан байна.

ЭМЯ-ын өнөөдрийн мэдээллээр өнгөрсөн хоногт хамгийн их халдвар авсан нь 30-34 насныхан байна. Эдгээрийн дийлэнх нь вакциндаа хамрагдаагүй иргэд байгааг анхаарууллаа.

Вакцинжуулалтын өссөн дүнгээр нь авч үзвэл,

Улсын хэмжээнд

• 1-р тунд - 1.897.956 хүн
• 2-р тунд - 1.667.849 хүн

Улаанбаатар хотод

• 1-р тунд - 963.563 хүн
• 2-р тунд - 845.271 хүн

Орон нутагт нийтдээ 1.1 сая хүн вакцинд хамрагдах ёстой. Үүнээс,

• 1-р тунд - 934.393 хүн
• 2-р тунд - 822.578 хүн