Хоёр цагдаагийн хэргээс Х.Нямбаатар зугтаж, Ц.Нямдоржоор "бамбай" хийв
Төрийн цагдаа иргэдээ зодож, танхайрч байгаа бичлэг олон нийтийн сүлжээнд цацагдсан нь олон хүний эгдүүцлийг хүргэж, тэрхүү бичлэгийг үзсэн хүн бүр цахим орчинд үзэл бодлоо уралдуулж байна.
Эл асуудалд Монгол Улсын Ерөнхий сайд Л.Оюун-Эрдэнэ хүртэл анхаарлаа хандуулж, тухайн хоёр цагдаагийн албан хаагчдад хариуцлага тооцохыг Хууль зүй, дотоод хэргийн сайд Х.Нямбаатарт үүрэгдлээ.
Нэгэнт Х.Нямбаатар сайд Засгийн газрын тэргүүнээсээ үүрэг, чиглэл авсан тул ЦЕГ-аас дотоод, хяналт шалгалтыг явуулж, хэргийн мөрдөн шалгах ажиллагааг эхлүүлээд байна.
Цахим орчинд түгсэн иргэдийг дарамталж, биед нь халдаж байгаа бичлэг дээр гарч байгаа хоёр цагдаа үгсэж, хэргээ нуун дарагдуулсан болох нь шалгалтын явцад тодорхой болжээ. Гэхдээ уг бичлэг нь хоёр жилийн өмнө болсон үйл явц гэдгийг ЦЕГ-аас өнөөдөр /2021.07.30/ хийсэн мэдээлэлдээ тодотголоо.
Өөрөөр хэлбэл, өнөөдөр ЦЕГ-ын Аюулгүй байдал, дотоод хяналт шалгалтын хэлтсийн дарга, хурандаа Д.Манлайбаатар "Өчигдөр 21:00 цагийн үед цагдаагийн албан хаагч иргэдийн биед халдаж байгаа бичлэг цацагдсан. Энэ үйлдэл нь 2019 оны хоёрдугаар сарын 25-ны өдрийн бичлэг. Чингэлтэй дүүргийн нутаг дэвсгэрт болсон. Нэр бүхий иргэдийн биед халдсан нь тогтоогдсон. Бүртгэлд оруулалгүй, нуун дарагдуулсан байсан. Шалгах ажиллагааг дотоод албаны хүрээнд хийгдлээ. Мөрдөн шалгах ажиллагаа явуулж, гэмт хэргийн шинжтэй байна гэж үзсэн. Улмаар прокурорын хяналтад АТГ-т шалгуулах саналыг хүргүүллээ" гэх мэдээллийг өгөөд байна.
Тэгвэл Хууль зүй, дотоод хэргийн сайд Х.Нямбаатар эл хэрэгт өөрийн байр сууриа илэрхийлжээ.
Тэрбээр цахим сүлжээндээ "Цагдаагийн байгууллагад хүний эрхийг дээдэлж, хүнлэг энэрэнгүй байх явдлыг нэн тэргүүнд тавьж, ажиллахыг үүрэг болгосоор ирсэн. Намайг ажил авахаас өмнөх бичлэг тарааж олон нийтийн бухимдал үүсгэж байгаад харамсаж байна" гэжээ.
Харамсалтай нь хуулийн сайдын дээрх тайлбар, байр суурь олон нийтэд таалагдсангүй. Нөгөө талд Хууль зүй, дотоод хэргийн сайд Х.Нямбаатар хариуцлагаас зугтаж, өмнөх сайд Ц.Нямдоржийн үед болсон үйл явдлыг гарган ирж, өөрийнх нь цаг үед сэвж байгаад харамсаж байгаагаа илэрхийлэв.
Учир нь, иргэдийн биед халдаж, танхайрч байгаа хоёр цагдаад хариуцлага тооцоод зогсохгүй энэ салбарыг удирдаж, бодлого зангидаж суугаа сайдад нь хүртэл хариуцлага тооцох ёстой гэж олон хүн үзэж, тэр хэрээр үзэл бодлоо илэрхийлсээр байгаа юм.
Гэвч эл бүхэнд Хууль зүй, дотоод хэргийн сайд Х.Нямбаатар "Надад хамаагүй, Ц.Нямдоржид хамаатай" гэх утгатай байр суурийг илэрхийлээд байна.
Холбоотой мэдээ
Сэтгэгдэл ( 6 )
Яасан адилхан хөгшин залуу гөлөнгүүд вээ ийм хүмүүс үнэн юм хийнэ гэхэд итгэлгүй бна
Nym- dorjiin ued gemt hergiin chanartai uildeluud iheehen darahgdaj baisan ni hudal bish shuu Nym dorj unench tsarailsan novshiin amitan l daa .
Альч улсад нийгмийн ямар тогтолцоотой байхаас үл хамаарч үе үеийн засаг төр нь өмнөх үеийн алдаа оноог үүрч засаж залруулж,сайныг нь баталгаажуулаад явж ирсээн.Нямбаатар шиг эрх мэдлийг авчихаад гонгинож байсан удаагүй. .Эрх ямбыг нь эдэлж байга бол ялыг нь үүрнээ. Үүрэхгүй гэсэн ч үүрүүлнээ.
Hulgaich deeremchid aluurchid zereg gemt heregtnuudiig umuurch hairladag teneg manguu uls undesten mongoloos uur ene horvoo delhii deer baihgui.
Цагдаа нь туслахаар очсон 2 залуу идсэн уусанаа төлөхгүй л байсан юм чинь....нүдэхэд яадаг юм...
Цагдаагийн зөв шдээ. Хулгайчдыг хатуу шийтгэх хэрэгтэй. Харин манай цагдаа нар их зөөлөн бдаг.