Монгол, ОХУ, БНХАУ-ын ТӨРИЙН ТЭРГҮҮН нарын уулзалтыг товлохоор болжээ
Гадаад харилцааны сайд Б.Батцэцэг өнөөдөр (2021.10.01) ОХУ-ын Гадаад хэргийн сайд С.В.Лавровтай утсаар ярьжээ.
Энэ үеэр хоёр улсын сайд нар Монгол Улс, ОХУ, БНХАУ-ын төрийн тэргүүн нарын ээлжит уулзалтыг ойрын хугацаанд зохион байгуулах асуудлыг хөндсөн байна.
Түүнчлэн Гадаад харилцааны сайд нар хоёр тал Монгол Улс, ОХУ хооронд дипломат харилцаа тогтоосны 100 жилийн түүхт ойг энэ оны туршид худалдаа, эдийн засаг, соёл, шинжлэх ухаан, хүмүүнлэг зэрэг олон салбарт өргөн агуулгатай арга хэмжээ зохион байгуулан угтаж буйд баяртай байгаагаа онцлон тэмдэглээд, оны үлдсэн хугацаанд хэрэгжүүлэх дээд, өндөр түвшний харилцан айлчлалын талаар санал солилцсон аж.
Мөн Монгол, Оросын Засгийн газар хоорондын комиссын ээлжит хуралдааныг зохион байгуулах нь чухал болохыг сайд нар онцлон тэмдэглэв.
Гадаад харилцааны сайд нар энэ үеэр хоёр талын худалдаа, дэд бүтэц, боловсролын салбарын хамтын ажиллагааны зарим тулгамдсан асуудлыг хэлэлцжээ.
Тухайлбал, “УБТЗ” ХНН-ийн үйл ажиллагаатай холбоотой хуримтлагдсан асуудлуудыг шуурхай шийдвэрлэх, ОХУ-аас Монгол Улсад нийлүүлэх шатахууны хангамжийг тогтвортой байлгах талаар ярилцаж, Улаанбаатар хотод Монгол-Оросын хамтарсан дунд сургууль байгуулахыг дэмжиж буйгаа илэрхийлсэн байна.
Сайд нар мөн олон улс, бүс нутгийн харилцан сонирхсон асуудлаар санал солилцжээ.
Холбоотой мэдээ
Сэтгэгдэл ( 2 )
Эгийн голын усан цахилгаан станц барих талаар Оросын талтай эртхэн ярилцаад Оросуудаар өөрсдөөр нь хийлгээд ганц сайхан эх үүсвэртэй болох сон доо
ШАТАХУУНЫ НИЙЛҮҮЛЭЛТ ТҮГЭЭЛТЭН ДЭЭР ХАТУУ ХЯЗГААР ТОГТООГООД БОРЛУУЛАЛТЫН ХЭМЖЭЭГ БУУРУУЛАХ ЮМ БОЛ ХӨДӨЛГӨӨНД ОРОЛЦОХ МАШИНУУДЫН ТОО ЭРС ЦӨӨРЧ УЛМААР ТҮГЖРЭЛ ЭРС БАГАСАХ САН ТАЛТАЙ ЭЬ БАТЛАГДЛАА ШҮҮ ДЭЭ: . ЭДИЙН ЗАСГИЙН АРГААР ТҮГРЭЛИЙГ БУУРУУЛАХ САЙХАН БОЛОМЖ БАЙГААГ БҮРЭН АШИГЛАХ ХЭРЭГТЭЙ БАЙНА.