УИХ-ын гишүүнээр сонгогдсон Э.БАТШУГАР, Ц.ИДЭРБАТ нар тангарагаа өргөнө

Б.Эрхэс | Zindaa.mn
2021 оны 10 сарын 18

-Хэнтийчүүд У.Хүрэлсүхийн оронд Ц.Идэрбатыг, сонгинохайрханчууд Д.Сумъяабазарын оронд Э.Батшугарыг сонголоо-

УИХ-ын Хэнтий аймгийн 18 дугаар тойрог, Сонгинохайрхан дүүргийн 28 дугаар тойргийн нөхөн сонгуулийн нэмэлт, санал хураалт өнгөрсөн бямба /2021.10.16/ гарагт боллоо.

Хэдийгээр нэмэлт, санал хураалт явуулсан ч сонгогчдын ирц 50 хувийн босгыг даваагүй бөгөөд хамгийн өндөр саналыг авсан Ц.Идэрбат, Э.Батшугар нарыг "ялалт" байгуулсанд тооцлоо.

Өөрөөр хэлбэл, УИХ-ын нөхөн сонгуульд оролцож, саналаа өгсөн нийт сонгогчдын олонх нь МАН-аас нэр дэвшсэн Э.Батшугар, Ц.Идэрбат нарт саналаа өгсөн бөгөөд тэд УИХ-ын гишүүнээр сонгогдож байна.

Тэгвэл Хэнтий аймгийн 18 дугаар тойрогт ялалт байгуулсан Ц.Идэрбат болон Сонгинохайрхан дүүргийн 28 дугаар тойрогт ялалт байгуулсан Э.Батшугар нар энэ долоо хоногт чуулганы нэгдсэн хуралдаанд УИХ-ын гишүүнийхээ тангарагыг өргөнө.

Ингэснээр төр, засагт дуу хоолойгоо хүргэж чадахгүй, эрх нь зөрчигдөж байсан хоёр тойрог эзэнтэй болж, УИХ-ын дарга Г.Занданшатарын парламент 76 гишүүнтэйгээр үйл ажиллагаагаа явуулахаар болж байна.

Сэтгэгдэл ( 5 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
хилэн (192.82.91.228)  2021 оны 10 сарын 18

ичиж үхдэг болоосой. тангарагныхаа 48%-г өргөнө биздээ.

0  |  0
зочин (202.21.104.98)  2021 оны 10 сарын 18

боожгой

0  |  0
Иргэн (103.57.93.100)  2021 оны 10 сарын 18

Хоногт 240 литр сүү гардаг үнээтэй болох үлгэрт итгэсэн өлсгөлөн монголчууд Батшугарыг дэмжлээ шдээ..Энхбаярын үеэс эхлэн ард түмнийг бодлогоор өлсгөж байсны үр шимийг хүү нь хүртлээ дээ..Өлсгөлөн улсад их сүү,их хоолны тухай үлгэр хэлчихэд л итгэж дэмжих ажээ . Хэрэв цатгалан хүнд ийм үлгэр хэлбэл урдаас нь шоолоод хөөж явуулна биз дээ.

0  |  0
Зочин (59.153.113.164)  2021 оны 10 сарын 18

Одоо 2 тойргийн сонгогчдын саналыг хүндэтгэн элдэв хэл амгүйгээр тангараг өргүүлэх нь зөв өө. Ирж санал өгөөгүй хүмүүсийг одоо яалтай билээ. Ер нь төрийн сонгуульд 3 ба түүнээс дээш удаа ямар ч шалтгаангүйгээр санал өгөөгүй хүмүүсийн талаар ямар нэг шийдвэр гаргамаар ч юм уу даа. Бас төрийн сонгуульд оролцохгүй байхыг уриалсан, ухуулсан нам эвсэл, хүмүүст хатуу хариуцлага тооцох хэрэгтэй дээ цаашдаа.

0  |  0
Zochin (202.126.90.98)  2021 оны 10 сарын 18

Batshugar garsan uu? Ajliin amjilt husye! \nBolovsroltoi zaluu humuu MAN heregtei.

0  |  0
Top